Meşa Roja Parêzeran: Em li pîşeya xwe û hiqûqê xwedî derdikevin

2025-04-05 15:55:35


	 

	ENQERE – Bi boneya Roja Parêzeran bi beşdariya hezaran parêzeran meş hat lidarxistin.  Serokê Yekitiya Baroyên Tirkiyeyê Erînç Sagkan axivî û wiha got: "Em rêxistinbûyîna xwe ya pîşeyî, rûmeta pîşeya xwe û hiqûqê diparêzin. Û em dizanin: Nikarin me bêdeng bikin."

	 

	Di çarçoveya 5 'ê Nîsanê Roja Hiqûqnasên Cîhanê de bi pêşengiya Yekitiya Baroyên Tirkiyeyê ji navenda avahiya Yekitiya Baroyên Tirkiyeyê heta Anitparkê bi beşdariya gelek baroyan meşeke girseyî hat lidarxistin. Bi hezaran parêzerên beşdarî meşê bûn pankarta bi nivîsa "Serxwebûna parastinê, hurmeta li hiqûqê" vekirin. Di meşê de gelek caran dirûşmên; "Parastin Nayê Bêdengkirin", "Tahîr Elçî nemir e", "Parêzerên girtî rûmeta me ne" û "Li dijî faşîzmê mil bi mil" hatin berzkirin.

	 

	DIVÊ SERWERIYA HIQÛQÊ BÊ PARASTIN

	 

	Piştî meşê Serokê Yekitiya Baroyên Tirkiyeyê Erînç Sagkan di çalakiya protestoyê ya li Anitparkê de axivî û diyar kir ku ne tenê 5 'ê Nîsanê Roja Parêzeran e û wiha got: "Parêzer ne tenê mafên kesan, dewleta hiqûqê, mafê darizandina adil û pergala civakî ya demokratîk diparêzin. Em bi berpirsyariya parastina mafê parastinê, serxwebûna rêxistinên xwe yên pîşeyî û dewleta hiqûqê di hawireke ku dewleta hiqûqê tê tevizandin, serxwebûna dadgeriyê tê tepisandin, parastin bi awayekî sîstematîk tê tepisandin û astengiyên hiqûqî, aborî û civakî yên ku pratîkkirina pîşeyê hiqûqî zehmet dike zêde dibin."

	 

	'NIKARIN BÊDENG BIKIN'

	 

	Sagkan da zanîn ku dûrxistina ji wezîfeyê ya Rêveberiya Baroya Stenbolê ne hiqûqî ye û wiha got: "Îro destwerdana li hemberî rêxistinbûyîneke bi vî rengî ya profesyonel, ne tenê ji bo saziyekê, di heman demê de li hemberî vîna bi deh hezaran hempîşeyên me yên endamên Baroya Stenbolê û cewhera pîşeyê hiqûqê, gefek e. Em vê yekê eşkere dikin: li welatekî ku tê xwestin baro bên bêdengkirin, tê xwestin dengê parastinê bê tepisandin. Lê em li vir in; em rêxistina xwe ya pîşeyî, rûmeta pîşeya xwe û dewleta hiqûqê diparêzin. Û em dizanin: nikarin beden bikin."

	 

	‘EM BÊDENG NEBÛN, EM NETIRSIYAN, ME SERÎ NETEWAND’

	 

	Sagkan di berdawam axaftina xwe de wiha got: "Em ne tenê nûnerên hiqûqê ne, di heman demê de xwedî wijdan in. Û heta niha ti hêz nekariye vê wijdanê bêdeng bike, ne jî wê karibe bêdeng bike. Dema ku Serokê Baroya Amedê Alî Gunday an jî Serokê Baroya Amedê Tahîr Elçî di bin Mînareya Çar Ling de hat kuştin, me qîma xwe bi kuştinê neanî. Em bêdeng neman, em netirsiyan, me serî netewandin, me serî netewandin. Fakulteyên hiqûqê divê sazîyên perwerdehîyê bin ku ji alîyê hêjayîyê ve, ne li gorî kalîteyê, ne li gorî çendanîyê. Divê kota bi awayekî plankirî bên kêmkirin, divê pêşî li exlaq û jêhatîbûnê bê girtin! Stajeke qanûnî ne serdema bendewariyê ye; Divê weke pêvajoyeke xurt a perwerdeyê were dîtin ku hempîşeyên me ji aliyê garantiyên civakî û madî ve tên destekkirin û wan ji bo pîşeyê amade dikin. Şîdeta li hemberî parêzer ne li dijî şexs e; êrîşeke yekser a li dijî edaletê ye. Li hemberî vê êrîşê divê tedbîrên taybet ên parastinê werin bicihkirin û sûcdar bi rengekî bi bandor werin cezakirin!”