
Helbesta Abdullah Ocalan a ji bo zarokan nivîsandî cara yekem hate xwendin

2025-05-10 16:02:40


	&nbsp;

	STENBOL - &nbsp;TJA’yê û Înîsiyatîfa Dayikên Aştiyê ji bo Roja Dayikan bernameyek li dar xistin. Di bernameyê de helbesta Rêberê Gelê Kurd Abdullah Ocalan a bi navê “Ji hemû zarokan re” ji bo zarokan nivîsandiye, hate xwendin.

	&nbsp;

	Tevgera Jinên Azad (TJA) û Înîsiyatîfa Dayikên Aştiyê bi boneya Roja Dayikan li avahiya Partiya Wekhevî û Demokrasiyê ya Gelan (DEM Partî) a navçeya Bagcilar a Stenbolê bernameyek li dar xistin. Gelek jin tev li bernameyê bûn û pankarta bi nivîsa “Ji bo dayikan diyariya herî baş aştî ye” hat daliqandin.

	&nbsp;

	Rêberê Gelê Kurd Abdullah Ocalan li ser nameyên ku ji hêla zorakan ve ji bo wî hatine şandin bi navê “Ji Hemû Zarokan re” helbestek nivîsî. Ev helbest di bernameya Roja Dayikan de cara yekem bi raya giştî re hate parvekirin. Abdullah Ocalan helbesta xwe diyarî zarokan kir.

	&nbsp;

	Kurmanciya helbesta ku bi Tirkî hatiye nivîsandin wiha ye:&nbsp;

	&nbsp;

	“Ji tevahî zarokan re

	&nbsp;

	Sibehekê min û wan hevdu nas kir

	&nbsp;

	Dema ku deriyê sar û rizdekirî vebû

	&nbsp;

	Weke her rojê gardiyan hat

	&nbsp;

	Di destê wî de gelek rojname hebûn

	&nbsp;

	Min jê pirsî; Îro name hatine?

	&nbsp;

	Bi dengekî nizm got; 195 name hatine

	&nbsp;

	195 name. Di her nameyekê de 195 zarok.

	&nbsp;

	Îro hemû hatine serdana min

	&nbsp;

	Îro hemû mêvanê min in

	&nbsp;

	Di nava van çar dîwarên teng de

	&nbsp;

	&nbsp;

	Zarokno! Hûn bi xêr hatin;

	&nbsp;

	Tevî gul û kulîlkan hûn hatin.

	&nbsp;

	Hevalên min ên dilmezin

	&nbsp;

	We dinya anî odeya min

	&nbsp;

	Odeya min a bêhna mirov lê diçike

	&nbsp;

	We bêhna buharê bi xwe re anî

	&nbsp;

	We reng hemû berdan nava behrê

	&nbsp;

	Bêhna zarokan hemûyan dikişînim nava xwe

	&nbsp;

	Yek bi yek hemûyan himbêz dikim

	&nbsp;

	&nbsp;

	Piştre min rojname tevdan û li wan nêrî

	&nbsp;

	Ji nişkê ve çavê min çûn ser quncikekê

	&nbsp;

	Li ser zemînekî reşûspî

	&nbsp;

	Resmên li ber hev ên rêzkirî

	&nbsp;

	Resmên zarokên Ûrfayî

	&nbsp;

	Zarokên giş bi temamî spî,

	&nbsp;

	li ber objektîvê rêz bûne,

	&nbsp;

	di her awirekî de mîna gotinekê

	&nbsp;

	mîna çalakiyekê ne,

	&nbsp;

	herî piçûkê wan; cîhanek

	&nbsp;

	Çavên min wisa pêve man,

	&nbsp;

	min dûrûdirêj li wan nêrî

	&nbsp;

	hema bêje ez wisa nîv saetê mam,

	&nbsp;

	Ez çûm cem zarokan,

	&nbsp;

	çûm wî warê 195 zarok jê hatibûn,

	&nbsp;

	ez bi wan zarokan re çûm,

	&nbsp;

	çûm cem zarokên cîhanê hemûyan,

	&nbsp;

	Ew awir romanên bênav in,

	&nbsp;

	&nbsp;

	Ez îro li ser destên piçûkan meşiyam,

	&nbsp;

	Min destê xwe da destên zarokan

	&nbsp;

	Azadî bi wan dest pê dike, bi wan diqede,

	&nbsp;

	Min îro bêhna behrê û axê hembêz kir

	&nbsp;

	Jixwe ez her tim zarok bûm

	&nbsp;

	Ez di alema zarokan de veşartî bûm

	&nbsp;

	Wexta ku ez bi hogirên xwe yên biçûk re&nbsp;

	&nbsp;

	hûrûkûr ketibûm nav sohbetê,

	&nbsp;

	Ez veciniqîm bi dengê rizdeya deriyê hesinî,

	&nbsp;

	Tenê saetek destûr hebû ji bo bêhndanê

	&nbsp;

	Wexta ku ez meşiyam

	&nbsp;

	û min gav avêt

	&nbsp;

	li asîman quling difiriyan,

	&nbsp;

	min destê xwe li wan ba kir

	&nbsp;

	bi dengekî ji nava dilê xwe

	&nbsp;

	min got: "Silav"

	&nbsp;

	Min got; silavên min li wan bikin,

	&nbsp;

	silavên min bikin li 195 zarokan...

	&nbsp;

	Ji wan re bibêjin;

	&nbsp;

	bila bedewiyê, zanistê hîn bibin,

	&nbsp;

	Ji dê û bavan re bibêjin

	&nbsp;

	bila wan birçî nehêlin

	&nbsp;

	bêjin qulingno bêjin

	&nbsp;

	ji zarokên biçûk ên Ûrfayî re

	&nbsp;

	ez zarokan maç dikim

	&nbsp;

	silavên min li zarokan hemûyan bikin,

	&nbsp;

	Ûbêjin; Rêber wê ji bo we hemûyan bijî

	&nbsp;

	Bêjin; ez ji wan pir hez dikim

	&nbsp;

	Bêjin; ez çavên her kesî maç dikim.

	&nbsp;

	&nbsp;

	Rêbertî.”

	&nbsp;

	&nbsp;

	Piştî xwendina nameyê li eywanê dirûşma “Bijî Serok Apo” hate berzkirin.

	&nbsp;