Ji bo azadiya Rêberê PKK'ê Abdullah Ocalan û çareseriya siyasî ya meseleya kurd li 74 navendên cihanê daxuyanî hatin dayîn. Ji van daxuyaniyan 6 jê li  Swîsreyê hatin dayîn. Li paytext Bernê û bajarên Cenevre, Lozan, Zurich, Basel û Bellînzona daxuyanî hatin dayîn.

 

BERN

 

Navnîşana daxuyaniyê ya li Bernê qada Bundeshausplatz a ku Meclîsa Federal a Swîsreyê lê ye, di saet 14.00’an de endama Komeleya Hiqûqnasên Demokratîk û Ji Abdullah Ocalan re Azadî Margaret Kinnernellen, Alternatîf Çep David Bohne amade bûn. Parlamentera Kantona Bernê, nûnera Komîteya Tamil Elam Theapan û çalakvan Klimastreik Nelia, Lauper, hevalên wê yên Kolombiyayê yên dostên Kurdan. Koma Tamil Phonix û komên xweser ên dostên Kurdan beşdar bûn. Piştî daxuyaniya hevpar hat xwendin, ji aliyê nûnerên saziyan û parlamenteran ve axaftin hat kirin.

 

BASEL

 

Li bajarê Basel ê Swîsreyê di çarçoveya Pêngava Azadiya Abdullah Ocalan de daxuyaniyek hat dayîn. Daxuyaniya ku saet di 13:00 de li ber avahiya Şaredariya Baselê hat dayîn. Daxuyanî  ji aliyê sekretera BastA Franzîska Stîer ve hat xwendin. Endama Meclîsa Federal a Yekîtiya Keskan a BastA Tonja Zürcher, aktîvîstê Îranî Bîejan Esmaîlî, Endamê Alternatîfên Ciwan ên BastA Marwîn Doa û aktîvîsta aştiyê û parêzvana mafên mirovan Maya Heuschmann beşdarî daxuyaniyê bûn.

 

GENEVA

 

Daxuyanî li Cenevreyê saet di 13.30’an de li Qada Cornavîn hat dayîn. Ji Zanîngeha Zurîhê Valeria Mazucchi metna kampanyayê xwend. Daxuyanî ji aliyê Parlamentera Federal a Partiya Sosyalîst (SP) Laurance Fehlmann Rielle, endama Meclîsa Şaredariya Cenevreyê Christina Kitsos, ji Yekîtiya Popular Pablo Cruchon (Serokê kampanyayên penaberî û koçberiyê yên li Swîsreyê û pisporê avhewayê), hunermendê şanoyê Dominique Ziegler, Criuchon. Étienne Irehata li ser navê Partiya Karker a Piştevaniyê (Theo Frei), li ser navê Antî-nîjadperestî (Mrap) Gianfranco Fattorini, Daniel (Rêveberê Weqfa Agahdariya Inter-Rebel) Hafid Quardiri û Enternasyonal beşdar bûn.

 

LOZAN

 

Daxuyaniya kampanyayê ya li Lozanê ku Qesra Rumînî lê Peymana Lozanê lê hatibû îmzekirin, ji aliyê dîroknas Mathieu Jaccard ve hat xwendin. Serokê Kantona SP Vaudê Jean Tschopp, Endamê Meclîsa Lozanê ya Partiya Keskan Ilias Panchard, Alîkarê Şaredarê Lozanê David Payot, namzeta parlamenteriyê ya Parlamenta Federal a Ensemble (Yekîtiya Çep) Ella Mona Chevalley weke axaftvan beşdarî civîna çapemeniyê bûn.

 

BELLINZONA

 

Daxuyaniya çapemeniyê ya li bajarê Bellînzona li meydana Piazza del Governo li ber Parlamentoya Kantona Tîcîno hate lidarxistin. Axaftina vekirinê ji aliyê Berdevkê Înîsiyatîfa Azadiya Abdullah Ocalan û Parlamenterê Kantona Ticîno Dr. Beppe Savary hat kirın. Ji Foruma Alternatîf Dr. Franco Cavalli, endama Scintilla Collective Gabriela Monti û endamê Partiya Sosyalîst a Ticinese Adriano Venuti wek axaftvan beşdar bûn.

 

ZURICH

 

Li Rathaûsbrûcke ya ku parlamentoya Kantonê lê ye, saet di 13:00 de daxuyaniya piştgiriya ji bo kampanyaya Zurîhê hat dayîn. Endama Meclîsa Federal a Keskan Katharina Prelicz Huber, Parlamentera Federal a SP’ê Fabian Molina, Keskiyên Ciwan, Endamê Meclîsa Şaredariya Zurîhê Yves Henz, Endamê Meclîsa Şaredariya Zurîhê Andreas Kirstein ji Lîsteya Alternatîf û Wezîrê berê yê Ewlehiyê yê Kantonê Richard Wolf beşdarî civîna çapemeniyê bûn.