
Di îdianameya mirina bi guman de ji çawişê pispor re ceza tê xwestin 

2024-09-26 09:01:28


	BEDLÎS - Têkildarî mirina bi guman a Meryema Hasanoglû îdianame hat amadekirin. Di îdianameyê de der barê çawişê pispor ê berê Tekîn Çelîk de ji sûcê “berê wê daye mirinê” ceza hat xwestin.&nbsp;

	Meryem Hasanoglû ya 22 salî li navçeya Norşînê ya Bedlîsê bi awayek guman jiyana xwe ji dest dabû. Hasanoglû di 2’yê gulanê de ji qata pêncan a avahiya lê dima de ket xwarê û bi awayek guman mir. Di çarçoveya lêpirsîna hatibû destpêkirin de leşkerê çawişê pispor ê berê Tekîn Çelîk ku bi mehra mele bi Meryemê re zewicîbû, hatibû binçavkirin û ji sûcê “berê wê daye mirinê” hatibû girtin. Lêpirsîna ku ji aliyê Serdozgeriya Komarê ya Norşînê ve dihat birêvebirin, amade bû. Di îdianameyê de hat xwestin ku ji heman sûcî ji 4 salan heta 10 salan cezayê hepsê li Tekîn Çelîk bê birîn.&nbsp;

	&nbsp;

	Dadgeha Cezayê Asliyeyê ya Norşînê îdianame qebûl kir û danişîna ewil a dozê dê di 3’yê cotmehê de bê lidarxistin.&nbsp;

	&nbsp;

	ÎDIANAME HAT AMADEKIRIN&nbsp;

	&nbsp;

	Di îdianameyê de hat diyarkirin ku Meryem Hasanoglû bi tundiyê re rû bi rû maye û ji ber vê yekê jî li mêvanxaneyan maye û wiha hat gotin: “Zewac ango têkiliya wan her tim şer û lêdan bûye. Jina mexdûr her tim çûye mêvanxaneyan û bi tundiyê re rû bi rû maye. Ji ber vê sedemê jî alîkariya xwedîkirinê, rehberî û mayînê wergirtiye. Dema ew çûye mala bav û dayika xwe jî ji bira-xwişka xwe re gotiye, hevjînê wê her tim gefa avêtina di pencereyê de lê xwariye.”&nbsp;

	&nbsp;

	JI TELEFONA WÊ PEYAM HATIYE ŞANDIN&nbsp;

	&nbsp;

	Di îdianameyê de hat destnîşankirin ku telefona Meryem Hasanoglû heta kêliya bûyerê jî bi faîl Çelîk re bûye û beriya bûyerê jî peyamek xatirxwestinê ji telefonê ji bo dayika wê hatiye şandin.&nbsp;

	&nbsp;

	DAXWAZA CEZAKIRINÊ&nbsp;

	&nbsp;

	Di îdianameyê de balkêş e ku îfadeyên ewilî û yên duyemîn ên faîl bi nakokî ne û tê xwestin ku faîl ji 4 salan heta 10 salan bê cezakirin.&nbsp;

	&nbsp;

	MA / Rûken Polat

	&nbsp;