
Cenazeyê Demîrtaş a hate qetilkirin hate veşartin

2024-10-24 14:54:21


	&nbsp;

	AMED - Cenazeyê Evîn Demîrtaş a ji aliyê Abdûllah Şehmûsoglû ve hate qetilkirin, li Goristana Yenîkoyê hate definkirin.&nbsp;

	&nbsp;

	Evîn Demîrtaş di 22’yê cotmehê de li Taxa Hûzûrevlerî ya girêdayî navçeya Peyas a Amedê ji aliyê Abdûllah Şehmûsoglû ku Demîrtaşê dest jê berdabû ve bi çekê hate qetilkirin. Faîl Şehmûsoglû yê piştî cînayetê reviya, hêj jî nehatiye girtin.

	&nbsp;

	Cenazeyê Demîrtaşê yê ji bo kar û barên otopsiyê biribûn Saziya Tiba Edlî (ATK) ya Amedê radestî malbata wê hate kirin. Demîrtaş li Goristana Yenîkoyê ya li navçeya Rezan a Amedê hate veşartin.&nbsp;

	&nbsp;

	Aktîvîstên Tevgera Jinên Azad (TJA), Komeleya Jinan a Rosayê, parlamentera Partiya Wekhevî û Demokrasiyê ya Gelan (DEM Partî) Adalet Kaya, Hevşaredara Yenîşehîrê Safiye Akdag, endamên Meclisa Şaredariya Bajarê Mezin, Hevşaredarê Peyasê Cengîz Dundar û gelek kes beşdar bûn. Şîna Demîrtaş li Mala Şînê ya Şakrat a Peyasê hate danîn.&nbsp;

	&nbsp;

	Li aliyê din rêxistinên jinan dê sibê piştî serdana goristanê ber bi mala şînê ve bimeşin.&nbsp;

	&nbsp;

	&nbsp;