
Navenda Kobanê û 366 gund bêceyran man 

2024-10-27 08:54:00


	&nbsp;

	NAVENDA NÛÇEYAN - Di encma êrişên dewleta tirk ên li dijî stasyonên ceyranê de hem navenda Kobanê hem jî 366 gund bêceyran man.&nbsp;

	&nbsp;

	Li gorî nûçeya ANHA’yê; dewleta tirk ji şeva 23’yê cotmehê heta niha bi balafirên şer, balafirên biçek ên bêmirov û bi çekên giran navendên xizmetê, ceyran, stasyonên avê, bîrên petrolê, depoyên genim û hwd. ên Bakur û Rojhilatê Sûriyeyê hedef digire. Di encama êrişan de zarok jî di nav de gelek kesan jiyana xwe ji dest dan. Ji ber hedefgirtina santralên ceyranê, navenda Kobanê û 366 gundên wê bêceyran man.&nbsp;

	&nbsp;

	Hevseroka Desteya Enerjiyê ya Kantona Firatê Eyşe Nasir da zanîn ku di encama hedefgirtina santrala ceyranê de navenda bajar û 366 gundên wê bêceyran mane. Nasir, diyar kir ku tevî zirara gihiştiye santralan jî êrişên li dijî herêmê didomin lewma xebatkarên wan nikarin tespîta xesarê bikin.&nbsp;

	&nbsp;

	Ji ber ku santralên ceyranê nema dikarin bên bikaranîn, li Kobanê li gel cihên stratejîk her wiha bîrên avê jî naxebitin.&nbsp;

	&nbsp;