
Danişîna doza Emîne Şenyaşar hate taloqkirin

2024-11-05 10:24:22


	RIHA - Danişîna doza Emîne Şenyaşar ku li ser giliyê polîsan hatibû vekirin, bi daxwaza tespîtkirina navnîşanê hate taloqkirin.&nbsp;

	&nbsp;

	Di 14’ê hezîrana 2018’an de hevjîn û du kurên dayika Emîne Şenyaşar li navçeya Pirsûs a Rihayê ji hêla xizm û parastvanên parlamenterê AKP’ê yê berê Îbrahîm Halîl Yildiz ve hatibûn qetilkirin. Ji ber giliyê polîs Melîke Akyildiz, derheqê Emîne Şenyaşar de bi îdiayên “heqaret” û “ji bo nehêle peywira xwe bike li ber xwe da” doz hatibû vekirin. Danişîna dozê li 5’emîn Dadgeha Cezayên Giştî ya Rihayê hate lidarxistin.&nbsp;

	&nbsp;

	Bûyera behsa xeberê di 7’ê cotmeha 2022’yan de dema dayik Şenyaşar û kurê wê Ferît Şenyaşar Nobeta Edaletê didomandin qewimî. Di dema Nobeta Edaletê ya li pêşiya edliyeya Rihayê de polîsan pankarta wan a “Ji bo malbata Şenyaşar edalet, ji bo her kesî edalet” rakiribûn û Ferît Şenyaşar derb kiribûn.&nbsp;

	&nbsp;

	Li ser giliyê polîs Ayyildiz a di dema bûyerê de li wir, derheqê Şenyaşar de doz hatibû vekirin. Danişîna dozê bi tespîtkirina nasnameyê dest pê kir. Parêzerê dayika Emîneyê, Ahmet Taş tev li bû lê dayik Şenyaşar û polîs Ayyildiz tev li nebûn.&nbsp;

	&nbsp;

	Danişîna dozê bi daxwaza tespîtkirina navnîşanê, taloqî 25’ê gulana 2025’an hate kirin.&nbsp;

	&nbsp;