
Hatimogûllari diçe Xelfetiyê    

2024-11-05 15:42:27


	RIHA - Parlamenter û rêveberên DEM Partiyê li Xelfetiyê serdana dikandaran kirin û banga beşdariya hevdîtina ku wê Hevserok Tulay Hatimogûllari beşdar bibe kirin.&nbsp;

	&nbsp;

	Li navçeya Xelfetiyê ya Rihayê ku qeyûm tayînê wê hat kirin, serdana dikandaran û welatiyan hat kirin. Hevşaredarê Xelfetiyê Mehmet Karayilan, parlamenterên DEM Partiyê yên Rihayê Ferît Şenyaşar, Dîlan Kunt Ayan û Mîthat Sancar û rêveberên DEM Partiyê û welatiyan serdana dikandaran kirin. Şandeya DEM Partiyê di serdanê de welatiyan vexwendin berxwedana li dijî qeyûm.&nbsp;

	&nbsp;

	Mehmet Karayilan destnîşan kir ku ew ê teslîmî qeyûman nebin û divê kes desteserkirina îradeya xwe qebûl neke û ew dixwazin ku gelê Xelfetiyê jî piştgiriyê bide berxwedana li dijî qeyûm.&nbsp;

	&nbsp;

	Dikandaran got ku wan qeyûmên berê şandine wê qeyûmê niha jî bişînin.&nbsp;

	&nbsp;

	Her wiha di serdanê de bang li welatiyan hat kirin ku beşdarî hevdîtina tevlibûna Hevseroka Giştî Tulay Hatimogûllari sibê li ber şaredariyê pêk were bibin.&nbsp;

	&nbsp;

	‘GEL QEBÛL NAKE’&nbsp;

	&nbsp;

	Li aliyê din jî parlamenter Omer Ocalan û Dîlan Kunt Ayan jî li gundê Goganê serdana welatiyan kirin û wan vexwendin berxwedana li ber şaredariyê. Welatiyan di serdanê de bênavber ji Omer Ocalan pirsa hevdîtina li gel Rêberê PKK’ê Abdullah Ocalan kir pêk anîbû kirin.&nbsp;

	&nbsp;

	Omer Ocalan diyar kir ku qeyûm li dijî îradeya gel bêhurmetî ye û got ku desthilatdarî ji bilî derwan tiştek nabêje û wê gelê kurd qeyûman qebûl neke.&nbsp;

	&nbsp;

	&nbsp;