
Li Êlihê berxwedana ciwanan berdewam dike 

2024-11-06 08:07:28


	ÊLIH - Ciwanên ku bi roj li ber şaredariyê û li derûdora wê li ser pêya bûn û li ber xwe dan, tevahiya şevê jî li cade û kuçeyan agir pêxistin û desteserkirina îradeya xwe protesto kirin.&nbsp;

	Duh tevahiya rojê ciwanên Êlihê li dijî tayînkirina qeyûmên ser şaredariyên Êlih, Mêrdîn û Xelfetiyê li qadan bûn û li ber xwe dan. Ciwanan tevahiya şeve jî li ser pêya bûn û li dijî qeyûman çalakî li dar xistin. Ciwan li taxên Hîlal, Karşiyaka, Petrolkent, Baglar, Cûdî Petrolê yên Êlihê li kuçe û cadeyan rê girtin û çalakî li dar xistin. Ciwanên du sê roj in li dijî qeyûm û tundiya polîsan nerazîbûn nîşan didin bênavber dirûşmên wek “Bijî Serok Apo”, “Bê Serok jiyan nabe”, “Ciwan fedayîyên Rêber Apo ne”, “PKK gel e, gel li vir e” berz dikin.&nbsp;

	&nbsp;

	Ciwanên ku li kuçeyan û cadeyan agir pêxistin û xwedî li îradeya xwe derketin. Polîsan bi fişekên plastîk, ava şid û gaza îsotê êrişî çalakiyên ciwanan kirin û ciwanan jî bi fişekên hewayî bersiva êrişan dan.

	&nbsp;

	Tê payîn îro jî çalakiyên ciwanan berdewam bikin.&nbsp;

	&nbsp;