
Li Xelfetiyê di 7 mehan de 34 milyon deyn hat dayîn 

2024-11-16 09:04:56


	RIHA - Şaredariya Xelfetiyê ya ku qeyûm tayinî wê hatiye kirin, di 6 meh û 26 rojan de, 34 milyon û 447 hezar TL deynê ji qeyûm û Şaredarê AKP'î Şeref Albayrak mayî da û xizmeta gelek gundên ku berê ximeta wan nehatibû kirin kir.&nbsp;

	Şaredariya Xeleftî ya Rihayê ya Partiya Wekhevî û Demokrasiyê ya Gelan (DEM Partî) ku qeyûm tayinî wê hat kirin, di 6 meh û 26 rojan de pratîka rêveberiya herêmî ya demokratîk nîşan da. Hevşaredarên ku mazbataya xwe di 8'ê Nîsanê de girtin û peyama "emê bi hev re bi rê ve bibin" di dema li ser kar man de vê pratîkê dan der.&nbsp;

	&nbsp;

	Çalakiya ewil a hevşaredarên ew bû ku deynên qeyûman ên di navbera 2016-2019'an de bi gel re parve bikin. Hevşaredaran 460 milyon û 601 hezar deynê ku Şeref ALbayrakê AKP'î hiştibû bi avahiya şaredariyê daliqandin.&nbsp;

	&nbsp;

	Hevşaredar ji bo tespîtkirina nelirêtiyan komîsyonek ava kirin. Hat tespîtkirin ku Şeref Albayrakê AKP'î di salekê de 438 mal û milkên şaredariyê yên bi bihayê 588 milyon TL'yî firotine û pereyê ku diviyabû di qaseya şaredariyê de be ne tê debû. Ji ber vê hevşaredaran giliyê Albayrak kir. Lê belê hê jî ji bo vê tiştek nehatiye kirin.&nbsp;

	&nbsp;

	Tevî vê jî hevşaredaran tedbîrên teserifê pêş xistin û tenê di 5 mehan de (heya 1'ê Cotmeha 2024'an) 34 milyon û 447 hezar û 587 lîre deyn dan.&nbsp;

	&nbsp;

	Hevşaredarên Xelefetiyê yên DEM Partiyê piştî hatin ser kar "xeta Alo daxwaz û gilî" çêkirin û hewl dan daxwazên gel çareser bikin.&nbsp;

	&nbsp;

	HIN XEBATÊN HATINE KIRIN

	&nbsp;

	Hin xebatên di dema rêveberiya DEM Partiyê de hatine kirin bi vî awayî ne:

	&nbsp;

	* 40 hezar metrekare kevirên parke hatin bicihkirin, li gelek cihan kevirên parke yên xerabûyî tamîr kirin û li 2 gundan baxçeyê malên şînê hatin selihandin

	&nbsp;

	* Li gundê Goganê kevirên 5 parkên bêxwedî hatibûn hiştin paqij kirin û li 2 parkan dar hatin çandin û zemîna wan hat çêkirin

	&nbsp;

	* Li gundê Argilê 3 park hatin tamîrkirin. Li zemîna parkan giha hat çandin.&nbsp;

	&nbsp;

	* Li navendê navê Narîn Guranê li parkekê hat kirin û koma lîstikan a zarokan hat çêkirin.&nbsp;

	&nbsp;

	* Li gundê Ortayolê rêya 2 kîlometreyî hat betonkirin.

	&nbsp;

	* Li gundê Aftarê xîç li kuçeyan hat rijandin û zemîna kevirên parkeyî hat çêkirin.&nbsp;

	&nbsp;

	* Li Xelfetiya Jêr li du cihên talûke dîwarê îstinadê hat çêkrin.&nbsp;

	&nbsp;

	* Amûrên înşeatê ji bo kesên pêdiviya wan pê hebû hatin belavkirin.&nbsp;

	&nbsp;

	* Ji bo 300 xwendekarên çente û amûrên kirtasiyeyê hatin stendin.&nbsp;

	&nbsp;

	* Mînîbuseke şaredariyê her roj li nava navçeyê bêheq mirov birin û anîn.&nbsp;

	&nbsp;

	* Her meh pêdiviyên 30 nexweşên çolyakê hatin dabînkirin.&nbsp;

	&nbsp;

	MA / Emrûllah Acar&nbsp;

	&nbsp;