Li Wanê bi pêşengiya rêxistinên sivîl û partiyên siyasî dê di çarçoveya 1’ê Îlonê Roja Aştiyê ya Cîhanê de mitînga bi dirûşma “Em li dijî şer û dagirkeriyê aştiyê, li dijî tecrîdê azadiyê biqîrin” bê lidarxistin. Rêxistinên ku wê mitîngê li dar bixin ji bo beşdariya mitîngê li Eywana Tahîr Elçî ya Baroya Wanê daxuyanî dan. Rêvebera ÎHD’a Wanê Ayten Kiran daxuyanî xwend. 

 

Kiran destnîşan kir ku ew ê di mitîngê de ji şer, dagirkerî û tecrîdê re bêjin na û li dijî vê şer û azadiyê biparêzin û xwest her kes tev li mitîngê bibe. Kiran anî ziman ku ew her kesî vedixwînin ku li dijî şer rabin û aştiyê qîr bikin. 

 

Mitîng dê roja 1’ê Îlonê saet di 17.00’an de li Parka Aştiyê ya Mûsa Anter bê lidarxistin.