WAN – Êrişên DYA û Îsraîlê yên li ser Îranê di roja 6'an de ne. Xalên kontrolê, baregeh û rampayên fuzeyan ên hêzên rejîmê li gelek bajarên Rojhilatê hedef hatin girtin û tê diyarkirin ku di êrişan de gelek sivîlan jiyana xwe ji dest daye.

 

Êrişên DYA û Îsraîlê yên li ser Îranê di roja 6'an de jî bênavber didomin. Hejmara qurbaniyên şer her ku diçe zêde dibe. Li gorî agahiyên ku ji çavkaniyên li herêmê hatine wergirtin, Îsraîl û DYA êrişên hewayî li ser rêveberîyên ewlehiyê, xalên kontrolê û yekîneyên Muhafizên Şoreşê û kampên fuzeyan ên li Rojhilat kirine. Piştî zêdebûna êrişên hewayî, tê gotin ku hin hêzên rejîmê ji bajaran reviyane, hinên din jî ji bo parastina xwe ji êrişan li mizgeft, dibistan û nexweşxaneyan bi cih bûne.

 

Li bajarên wekî Îlam, Kirmaşa, Cîhanro, Kuzeran, Pawe, Qesirşîrîn, Riwanser, Şebad, Sine, Bane, Bazirgan, Kamyaran, Merîwan, Urmiye, Biradost, Bokan, Makû, Mehabad, Mergerver, Pîranşar û Serdeştê êrişên hewayî yên ku du rojan dom kirin bûn sedema mirina gelek sivîlan. Tenê li Urmiyê neh sivîl mirin. Ji ber êrişên li ser bajarên Rojhilatê, dikandaran kargehên xwe girtine û fikar hene ku heke êriş berdewam bikin kêmasiya xwarinê çêbibe. Êriş dibin sedema koçberiyeke girseyî ya xelkê ji Rojhilatê ber bi deverên gundewarî yên nêzîkî sînor.

 

ÎNTERNET TUNE YE

 

Li Îranê, qutkirina înternetê ku ji aliyê rejîmê ve ji serhildana Jîna Mahsa Emînî ve tê sepandin, heta roja îro jî berdewam dikin. Rejîmê ku di dema serhildana Jîna Mahsa Emînî û "Şerê 12 Rojan" ê 2025'an de înternetê sînordar dike, ji 28'ê Sibatê, destpêka şer ve, qutkirinek tevahî pêk aniye. Niha, înternet li seranserê welêt bi tevahî qut bûye û ragihandin tenê bi rêya hin sepanan mimkun e. Her wiha hat hînbûn ku gelek kes ji bajarên cuda ber bi gundên nêzîkî sînorê Wanê ve diçin da ku bi malbatên xwe re demeke kurt têkilî daynin.

 

REWŞA DERIYÊN SÎNOR

 

Qerebalixiya li deriyên sînor ên di navbera Tirkiye û Îranê de berdewam dike. Çûnhatina li deriyên sînor ên ber bi Tirkiyeyê ve li Kapikoy a navçeya Serav a Wanê, Bajêrge a Colemêrgê û Deriyê Sînor ê Gurbulak ê navçeya Bazîd a Agiriyê didomin. Îraniyên ku tên Tirkiyeyê diyar kirin ku ew dixwazin şerê li welatê wan demildest bi dawî bibe.

 

Jinek ji Kapikoyê derbasî Îranê bû got: "Eger rejîm biguhere, divê ji hêla gel ve were guhertin. Em, wekî gelê Îranê, qebûl nakin ku kesek êrişî axa me bike. Hûn kî ne ku rejîma Îranê biguherînîn? Ger em jê hez bikin, dê rejîm bimîne; ger em jê hez nekin, ew ê biçe. Ax a me ye, welat ê me ye, biryar a me ye."

 

Kerîm Esadiye ku ji Urmiyê hat, got: "Niha ji bo gel tu zehmetî tune. Wan ev şer ji bo dewlemendiya Îranê da destpêkirin. Guherîna rejîmê ne xema kesî ye." 

 

Sûat Gelverî got: "Ez îro ji Tehranê hatim. Ji duh ve li ber derî me. Rewşa Tehranê qet ne baş e. Mirov êdî nikarin nan bibînin û zarok birçî ne. Bombe ji sibê heta êvarê diteqin. Mirov êdî şer naxwazin. Em şer naxwazin."

 

Li deriyê sînor ê Bajêrge yê li Colemêrgê, ketin û derketina derve tenê bi awayekî sînorkirî pêkan e. Kurdekî ku ji Urmiyê hat diyar kir ku a din a rojê 15 pasdarên Îranê hatine kuştin û got ku îro Urmiyê aram e.

 

Li deriyê sînor ê Gurbulak ê li navçeya Bazîd a Agirî jî TIR li dû hev ketine rêzê.