
Derket holê ku keça AKP’iyê qeyûm diparast bêyî mulaqetê girtine kar 

2024-12-02 14:32:16


	WAN - Derket holê ku keça Seroka Baskê Jinan a AKP’ê ya Wanê ya berê Havva Duran ku di rûniştina Meclisa Şaredariya Bajarê Mezin a Wanê de tayînkirina qeyûman diparast, bêyî mulaqetê ji hêla VASKÎ’yê ve girtine kar.&nbsp;

	Bertekên li dijî tayînkirina qeyûm a li Şaredariya Miksê ya Wanê didomin. Li Meclisa Şaredariya Bajarê Mezin a Wanê bi rojeva qeyûm civîn hat lidarxistin û tayînkirina qeyûm hat protestokirin. Di dema protestoyê de Endama Meclisa Şaredariyê ya AKP’î û Seroka Baskê Jinan a AKP’a Wanê ya berê Havva Duran mînaka sepana GBT’ê da û piştgirî da tayînkirina qeyûm. Li ser vê yekê endamên meclisê bertek nîşan dan û koma AKP’ê meclis terikand.&nbsp;

	&nbsp;

	KEÇA XWE BÊYÎ MULAQETÊ GIRT KAR

	&nbsp;

	Derket holê ku Havva Duranê keça xwe ya bi navê Nîda Atici di serdema qeyûm de bêyî mulaqetê li Midûriyeta Giştî ya Îdareya Av û Kanalîzasyonê ya Şaredariya Bajarê Mezin a Wanê (VASKÎ) girtiye kar. Nîda Atici ku endezyara kîmyayê ye, ji 30’ê kanûna 2022’yan heta niha di bin sîwana VASKÎ’yê de weke memûra bipeyman dixebite.&nbsp;

	&nbsp;