Karûbarên îfadegirtinê yên Şaredarê Bajarê Mezin ê Stenbolê Ekrem Îmamoglû jî di nav de 91 kesan ên di 19’ê Adarê di çarçoveya lêpirsînan de hatibûn binçavkirin ên li dozgerî û dadgeriyê bi dawî bûn. Îmamoglû di her du lêpirsînan de jî parastina xwe kir. Îfadeya Îmamoglû ya li dadgeriyê saet di 07.38'ê de temam bû û got: “Ev îftîraye dê li dîwarên di dilê gelê me de qelibin û têk biçin.” 

 

Hat îdiakirin ku Îmamoglû di çarçoveya lêpirsîna “nelirêtiyê” de hatiye girtin. Ajansa Anadoluyê saet di 10.06'ê de ragihand ku Ekrem Îmamoglû di çarçoveya lêpirsîna “nelirêtiyê” de hatiye girtin. 

 

TRT’ê jî saet di 10.08'ê de li ser hesaba xwe ya medyaya dijîtal ragihand ku Ekrem Îmamoglû hatiye girtin. 

 

SERDOZGERIYÊ DAXUYANÎ DA

 

Çavkaniyên Serdozgeriya Komarê ya Stenbolê agahiya ku Îmamoglû ji dosyaya “nelirêtiyê” hatiye girtin, derewand. Wekîlê Serdozgerê Komarê got: “Hêj jî hinek cih weke hatibe girtin nûçeyan parve dikin. Ev nûçe ji bo zirardayina lêpirsînê hatine parvekirin. Ez careke din dubare dikim, ji bilî daxuyaniya min ji tu daxuyaniyên derve bawer nekin.” 

 

Parêzerên Îmamoglû jî ji DW Turkçeyê re axivîn û gotin ku lêpirsîna nelirêtiyê jî di nav de, tu biryarên ji wan re hatine teblîxkirin û an jî li rûyê Îmamoglû hatine xwendin tune ne. 

 

DADGERIYÊ BIRYARA GIRTINÊ DA

 

Dadgeriyê, biryara xwe ya der heqê Îmamoglû de aşkera kir. Îmamoglû bi îdiaya “nelirêtiyê” hate girtin. Daxwaza girtinê ya bi îdiaya “Lihevkirina bajar” jî hate redkirin.