Endamê Lijneya Rêveberiya Baroya Stenbolê Firat Epozdemîr ku di 23 'ê Çileyê de dema ji derveyî welat bû vedigeriya li Balafirgeha Stenbolê hat binçavkirin û girtin, lêpirsîna der barê wî de temam bû. Serdozgeriya Komarê ya Stenbolê bi îdiaya ‘endamê rêxistinê ye’ û ‘propagandaya rêxistinê kiriye’ lêpirsîn da destpêkirin, di îdîanameya ku der heqê Epozdemîr de hatibû amadekirin de ji 7 sal û 6 mehan heta 15 salan cezayê girtîgehê xwest.

 

Di îdîanameya der barê Epozdemîr de ku nêzî 3 meh in girtî ye, wiha tê gotin: “Agahiyên derbarê gumanbar de hatine bidestxistin û veguheriye rapora lêpirsînê, nîşan dide ku Kongreya Demokratîk a Gelan (HDK) ku piştî gotinên gumanbar ku bi komên siyasî yên çepgir re dikare li gorî talîmatên Abdullah Ocalan tifaqê ava bike, li navçeya Bagcilarê serokê HDK'ê bû û armanc dike ku hêza siyasî û potansiyela girseyî ya rêxistinên çepgir û komên marjînal ên li rojavayê Tirkiyeyê ji bo rêxistinê bi kar bîne.”

 

27 'emîn Dadgeha Cezayê Giran a Stenbolê ku îdîaname jê re hatiye şandin, piştî lêkolînên pêwîst wê karibe biryarê bide ka îdîaname qebûl bike yan jî îade bike.