Çalakiya nobetê ya li Kizilcakoyê ku li hemberî JES'ê tên çêkirin hat destpêkirin didome. Berdevkê AYÇEP'ê Mehmet Vergîlî, diyar kir ku av, hewa û axa bajêr qirêj bûye û got: "Ji ber germahiya 35 santralan ji sedî 50 berdariya hejîran, ji sedî 50 berdariya zeytûnan û ji sedî 30 jî berdariya kestaneyan kêm bûye."
Li Êlihê ji ber petrolê û şewitandina firêzeyan hewaya bajêr pir qiêrjî bûye û ev yek tesîreke zêde li tenduristiya mirovan dike.
Şêniyên Taxa Derbentê diyar kirin ku piştî li taxa wan stasyonên bazê hatine çêkirin, nexweşîna pençeşêrê li wan peyda bûye û ji bo rakirina stasyonên bazê kampanyaya îmzeyan dane destpêkirin. Mehteber Demîr ku pençeşêr lê peyda bûye got: "Ji bo bêrîka hin kesan tije bibe, em naxwzin bimirin."
Li Heskîfa ku dê di bin bendavê de bimîne, dîwarên keleha dîrokî bi betonê tên girtin.
Li navçeya Perteka Dersimê darek çinarê ya hezar û 200 salî yek ji dara taybet a kevintîrin e. Şêniyên navçeyê ji ber ku dar nayê parastin bi gazinin.
Li Şemrexê, hat îdîakirin ku piştî hewza siyanûr li Etî Bakir a aydê Cengîz Holdîngê ye hat avakirin, bi kepçeyan dest bi birîna darên berî û guhîjan hat kirin. Welatiyên gund, diyar kirin ku ewê qadên xwe yên jiyanê terk nekin û gotin “Hem li dijî siyanûr û hem jî li dijî koçberî em banga hestiyariyê li raya giştî dikin.”
Masiyên deqsor ên li Gola Masiyan, neman. Ji ber ku qeymeqamê wê wê demê, masîpank xistin golê, di golê de masiyên deqsor neman. Karsaz Mehmet Bîrlîk, diyar kir ku gundiyan debara xwe bi masiyên deqsor dikirin, lê belê piştî masiyên deqsor qediyan êdî gundî koç dikin.
Şewatên 3 mehin li Dersimê didomin, ji şevê din ve belavî çar aliyên bajêr dibe.
Li herêma Newalaroj a Dersimê, şewata ji ber bombebaranê rû dayî berdewam dike û destûr nayê dayîn komên dildar biçin herêmê û mûdaxileyê şewatê bikin.
Li herêmê şopên şewatên ji ber operasyonên leşkerî ên li qadên daristanî çêbûn, her çend di ser re sal derbas bûbin hîn jî dixuyên.
Parastina Daristanên Bakur piştevaniyê da çalakvan û parazvanên Daristana Hambachê ya Elmanya û bang li şîrketên emperyalîst û dewletan kir ku desten xwe nedin daristanan.
DSÎ li ser nerazîbûna rêxistinên civakî yên sivîl xebata pakkirina li ser Geliyê Dîcleyê ku li Baxçeyên Hevselê ye rawestandibû. DSÎ carek din ji nû ve dest bi xebata pakkirinê kir.
Ekolojîst Serap Borûcû, diyar kir ku şewitandina daristanên li bajarên kurdan, berdewamiya polîtîkaya şerê dewletê ye û got: "Çareserî bi avakirina civakeke demokratîk pêkan e."
Welatiyên Rihayê destûra ku ÇED'ê dabû Limak Çimento dan betalkirin. ÇED'ê ji bo Kana Marnê destûr dabû ku Limak hilberine.
Welatiyên Gundê Kizilcakoy ê Navçeya Efelerê ya Aydinê li dijî avakirina JES'ê nobetê digirin. Endama AYÇEP'ê Gonul Hastaoglu ku piştgiriyê dide welatiyan diyar kir ku ava ji Sondajê derdixin dişînin qanalê avdaniyê û tev li Çemê Menderesê dibe. Welatî Emîne Karaz jî anî ziman ku Rayedarên Enqereyê soza 145 JES'an daye fîrmayên JES'ê û fîrma hêza xwe ji Enqereyê distînin.