Mehmet D. yê Hîlal Kar li Amedê qetil kir, 3 roj in hêj nehatiye girtin. Dayik Fikriye Kar, anî ziman ku beriya niha tundî li keça wê hatibû kirin û tevî giliyan jî faîl hatibû berdan.
Berdevka Meclisa Jinan a DEM Partiyê Halîde Turkoglû diyar kir ku îktîdar hewl dide bi rêya Paketa Darazê ya 9’emîn ji bo kujerên jin û zarokan efûyê derxîne û ev tişt anî ziman: “Di xala 27’emîn a paketê de berdana kesên gelek caran sûc kirin jî heye.”
Li Sêrtê Dîlan S. ya 27 salî bi awayekî biguman jiyana xwe ji dest da.
Di mûtalaya nû ya têkildarî cerdevan Bişar Atli yê bi sûcdariya êrişa zayendî ya li dijî jinekê ya li Wanê tê darizandin hate dayîn de ji sûcê “êrişa zayendî ya hesan” ceza hate xwestin.
Jinan li Îzmîrê bertek nîşanî komkujiyên jinan dan û diyar kirin ku berpirsyarê komkujî û tundiya li dijî jinan, îktîdara AKP-MHP’ê ye.
Li Wanê danişîna doza derbarê cerdevan Bişar Atli yê bi sûcdariya êrişa zayendî ya li jina bi navê M.Ş. tê darizandin de hatiye vekirin de tê payîn ku sibê biryar bê dayîn.
Di nava 3 rojan de, li 8 bajarên cuda 9 jin di encama tundiya zilam de jiyana xwe ji dest dan, 2 jin jî bi awayekî guman jiyana xwe ji dest dan.
Cenazeyê Kubra Gultekîn a li Colemêrgê ji duh ve agahî jê nedihate wergirtin, di Çemê Zapê de hate dîtin.
Li navçeya Rezan a Amedê Hîlal Kar a 33 salî ji aliyê zilamê ku bi mehra mele pê re zewicî ve di nava kolanê de hate qetilkirin. Di bûyera ku polîs dereng hat de faîl bi teqsiyê reviya.
Hejmara 69’an a Kovara Jînê bi manşeta “Şer, xizanî, nîjadperestî: Têkoşîna jinên hatine koçberkirin” derket.
Li Mêrsînê Seher Aktekîn, gava xwest dest ji hevjînê xwe berde, hat qetilkirin. Merivê wê Hacî Bozat anî ziman ku dewlet tevdîreke baş nagire û berekesê wê teşwîqkar e.
Li Baselê jinan ji bo azadiya Rêberê PKK'ê Abdullah Ocalan, 1300 name ji CPT’ê re şandin.
Derket holê ku Mehmet Almaç ê ku li Nexweşxaneya Bajêr a Prof. Dr. Suleyman Yalçin a Goztepeyê wekî berpirsê Navenda Xwînê, Klînîka Radyolojiyê, Laboratûvarê û Polîklînîka Patolojiyê hatiye wezîfedarkirin, dest avêtiye gelek jinan. Destdirêjî, bi qeydên dengan derket holê.
Li navçeya Cizîrê di nava 4 mehan de 6 jin bi awayekî biguman jiyana xwe ji dest dan. Berdevka TJA'yê ya Şirnexê Adalet Fîdan diyar kir ku li gel kûrbûna polîtîkayên şerê taybet, li herêmê qetilkirina jinan jî zêde dibe û got: "Ev polîtîka çiqasî kûr dibe tundiya li jinan û kuştina jinan jî ewqasî zêde dibe."
Li navçeya Geverê Mehmet Ûzûn, Fatma Bezelê bi çekê qetil kir.