Danişîna biryarê ya Omer Atalay ku di dema qedexeya derketina kolanan a li Sûrê de hate girtin û Dadgeha Bilind dosyaya wî betal kir dê sibe were lidarxistin. Dozgeriyê di mutalaaya xwe de israr kir û ceza xwest.
Hevşaredarê Bajarê Mezin ê Wanê Abdullah Zeydan di çalakiya li dijî hewldana tayînkirina qeyûm de axivî û got: “Bedela wê çi dibe bila em ê îradeya gel biparêzin.” Hevseroka Giştî ya DBP’ê Çîgdem Kiliçgun Uçar jî got: “Gelê Wanê dê bersivê bide van polîtîkayên neçareseriyê yê aqilê dewletê.”
Di serdegirtinên malan ên li Manîsayê de 18 kes hatin binçavkirin.
Cezayê hefsê yê li Hevşaredarê Bajarê Mezin ê Wanê Abdullah Zeydan hatiye birîn li Cizîrê hate protestokirin û wiha hate gotin: “Têkoşîna me ya ji bo avakirina civaka demokratîk dê bidome.”
Rojnameger Yelda Çîçek dema di protestoyên qeyûm de dîmen dikişand hatibû binçavkirin û ceza lê hatibû birîn. AYM’ê ji bo cezayê hatiye dayin biryara binpêkirinê da.
Polîsê tevgera taybet ê bi navê Mehmet Nûrbakî Goçmez ku Nîhat Kazanhan qetil kiribû, ev saleke nehatiye girtin. Di dozê de dadgehê biryar da ku xwe li benda polîsê bersûc bigirin.
Panoya ku wêneyên rojnameger Gulistan Tara û Hêro Bahadîn ên bi SÎHA’yan hatibûn qetilkirin li ser bûn, hate rûxandin û şewitandin.
Li navçeya Şemrexê mînîbûsa karker lê siwar û pîkabekê hev xist û di qezayê de 10 kes birîndar bûn.
Parêzeran li dijî biryara girtina rojnameger Oznûr Degerê îtîraz kirin.
Kasim Firat diyar kir ku ji Şêx Seîd heta Abdullah Ocalan, komployên li dijî pêşengên Kurdan didomin û got: “Ji bo çareseriyê divê Ocalan azad bibe. Divê rewşeke biewle bê afirandin.”
Endama PM’a DEM Partiyê Pakîze Sînemîllîoglû jî di nav de 8 kes li Enqereyê di serdegirtinên malan de hatin binçavkirin.
PKK’ê daxuyaniyeke nivîskî weşand û got: “Bi daxuyaniya Rêber Apo re dê pêvajoyeke nû dest pê bike. Her tişt dê bi daxuyaniyekê pêk neyê û her tiştî dê tenê Rêber Apo neke. Çawa ku pirsgirêk ya me hemûyan be, berpirsyarî jî ya me hemûyan e.”
Hasan Karapinar ê ku di girtîgehê de pençeşêra lenfê dubare lê peyda bû û paşê bi cezayê hepsa malê hat berdan, got: "Ez mafekî dixwazim."
Ji Desteya Lijneya Dîwanê ya KCDK-E Mûsa Farisogullari diyar kir ku dewleta ku bi komployê xwest "Têkoşîna azadiyê ya kurd tasfiye bike" hatiye asta tasfiyeyê û got: "Eger aliyê AKP'ê pêvajoyê asteng bike, wê Tirkiye winda bike."