Girtiya siyasî Nêrgiz Mihemedî ku li Girtîgeha Evînê tê ragirtin, peyamek şand û got ku têkoşîna li dijî darvekirinê berpirsyariyeke exlaqî, siyasî û mafên mirovan e.
Hevserokê KNK'ê Ahmet Karamus diyar kir ku li Rojava ji bilî yekitiyê tu vebijêrkên Kurdan nînin û got: "Yekitî, ji bo Kurdan mecbûriyeteke."
Hevserokê KONGRA-GEL Remzî Kartal têkildarî hevdîtinên Şandeya Îmraliyê û bangên hikûmetê nirxand. Kartal, bal kişand ser banga hikûmetê ya “çekan deynin” û wiha got: “PKK ne sedem, encam e. Heta sedemên çekrakirinê ji holê neyên rakirin çek nayên berdan.”
Cîgira Seroka Baroya Amedê Şîlan Çelîkê got: "Di rastiyê de pirsgirêka kurd pirsgirêkeke bi sedsalan e û mirov nikare wê daxîne asta çekê. Pirsgirêka kurd pirsgirêka demokratîkbûyîn, wekhevî û edaletê ye."
Gulşen Çalişkan a ku li gundê Bîrtawa yê navçeya Artûklûyê di gengeşeyeke ji ber veguhastina hilbijêran de birîndar bû û piştre jiyana xwe ji dest da, beriya ku bimire navê kiryar eşkere kir. Piştî vê kiryar hat girtin û paşê hat berdan. Lê salek e der barê kiryar de îdianame nehatiye amadekirin.
Platforma Ked û Demokrasiyê ya Wanê êrişên li ser Bakur û Rojhilatê Sûriyeyê protesto kir.
Meşa Dirêj a 26 rojan bi daxwaza ji azadiya Rêberê PKK'ê Abdullah Ocalan û ji pirsgirêka Kurd re çareserî hat destpêkirin, di roja 10’an de li Parîsê berdewam kir.
Li dijî tayinkirina qeyûmê ya li Şaredariya Sêrtê meşeke girseyî hat lidarxistin û banga çalakiya nobedê ya sibê hat kirin.
Parlamentera berê ya Amedê ya HDP'ê Dersîm Dag ku li Stenbolê hatibû binçavkirin, serbest hat berdan.
Berdevka DEM Partiyê Ayşegul Dogan bersiv da gotina Berdevkê AKP’ê Omer Çelîk ku digot; “Trafîka Îmraliyê bi dawî bû” û wiha got: “Tiştekî qediyayî tune ye. Em dibêjin bila ev destpêkek be û tecrîd were rakirin.”
Parlamentera DEM Partiyê Bêrîtan Guneş di çalakiya nobetê ya li dijî êrişên ser Bakur û Rojhilatê Sûriyeyê li ser sînorê Nisêbîn-Qamişloyê hatiye destpêkirin de axivî û wiha got: “Bendava Tişrînê bendava mirovahiyê ye. Em ji bo aştî û jiyaneke birûmet nobetê digirin.”
Dewleta tirk û komên wê yên paramîlîter gundê Qezalî yê li rojavayê Girê Spî topbaran dikin.
Di çalakiya nobetê ya li dijî tayînirkirina qeyûm li pêşiya Şaredariya Sêrtê hatiye destpêkirin de daxuyanî tê dayin.
Baroya Wanê û Şaxa OHD’a Wanê bertek nîşanî girtina endamê Desteya Rêveber a Baroya Stenbolê Firat Epozdemîr da û banga têkoşîna hevpar kirin. Li Dîlokê jî li pêşiya edliyeyê daxuyanî hate dayin.