Endamê NLSR'ê Kurdyar Direhî diyar kir ku plana Tirkiyeyê ya dagirkirina Rêveberiya Xweser ji ber berxwedana HSD'ê pêk nehatiye û got: "Pêşerojeke federal li benda Sûriyeyê ye."
Şandeya Îmraliyê ya DEM Partiyê têkildarî hevdîtinan daxuyanî da û got ku hemû hevdîtinên wan erênî derbas bûne. Şandeyê destnîşan kir ku piştgiriya gel a pêvajoyê dê bibe hêmana sereke ya çareseriyê.
Hevseroka Giştî ya KESK’ê Ayfer Koçak diyar kir ku polîtîkaya şer herî zêde bandorê li kedkar û xizanan dike û wiha got: “Îktîdar dibêje ‘ma hûn dizanin ka heqê fîşekekê bi çiqasî ye.’ Heqê fîşekan ji berîka kedkaran derdikeve.”
Piştî ku malên rêveberê GOÇÎZDER'ê Halît Karahan hatin desteserkirin, vê carê jî bi hinceta MASAK'ê nayê hiştin Karahan deynên xwe yên krediyê bide.
Serokê DTSO'yê Mehmet Kaya diyar kir ku ew piştgiriyê didin pêvajoya çareserkirina pirsgirêka kurd û got: "Em wekî nûnerên saziyên sivîl, hefteya bê em ê li Enqereyê bi partiyên siyasî re hevdîtinê bikin."
Rojnameger Reyhan Hacioglû, Ahmet Guneş, Necla Demîr û Rahîme Karvar hatin binçavkirin.
Ciwanan li navçeya Akdenîzê di tevahiya şevê de bi çalakiyên xwe tayînkirina qeyûm protesto kirin.
Fermandarê Giştî yê HSD’ê Mazlum Ebdî li Hewlêrê bi Serokê PDK’ê Mesûd Barzanî re hevdîtin kir.
Di encama êrişa hewayî ya dewleta tirk a li dijî Bendava Tişrînê de welatiyekî sivîl hate qetilkirin û gelek kes jî birîndar bûn.
Parlamentera DEM Partiyê Gulderen Varli binpêkirinên li dijî girtiyê nexweş Yilmaz Ustek xist rojeva Meclisê û xwest ku ÎHÎK van binpêkirinan lêkolîn bike.
Serdozgeriya Komarê ya Rihayê bi îdiaya “endamtiya rêxistinê” lêpirsîn da destpêkirin. Di çarçoveya lêpirsînê de li Riha, Amed û Şirnexê 7 kes hatin binçavkirin.
Bi hinceta ku tev li çalakiya protestokirina hewldana tayînkirina qeyûm a li Şaredariya Bajarê Mezin a Wanê bûne, li Îzmîrê doz li 25 kesan hate vekirin.
Xelkê Kantona Firatê li dijî komkujiya dewleta tirk û koma wê ya paramîlîter SMO’yê şevê din li Bendava Tişrînê kirin, li Kobanê daket qadan.
Parlamenterên DEM Partiyê di çalakiya li pêşiya Şaredariya Akdenîzê de axivîn û wiha gotin: “Qeyûm ji ku hatibe dê gel dîsa wî bişîne wê derê.”