Birayê Rêberê PKK’ê Abdullah Ocalan, Mehmet Ocalan di çalakiya nobetê ya li ser sînorê Pirsûs-Kobanê de axivî û wiha got: “Tirkiye, jiyana li Rojava hedef digire. Weke gelê Kurd em van êrişên ser Rojava qebûl nakin. Em ê xwedî li jiyana li wir derkevin.”
Welatiyên Amedê bertek nîşanî zema ji bo mûçeyê kêmtirîn hatiye kirin dan û wiha henekên xwe pê kirin: “Pir zêde kirine. Bila mûçeyên teqawidan jî betal bikin, wê demê dê aborî pir baş bibe.”
Dadgeha Destûra Bingehîn, serlêdana Hamîlî Yildirim ê li Girtîgeha Îmraliyê tê ragirtin a ji bo mafê hevdîtina li ser telefonê, red kir.
Serokê Dadgehê di doza Narîn Guranê de bertek nîşanî ap Erhan Guran ê pirsên têkildarî dîmenên derbkirinê dibersivand da û got: “Ka tu bi Xwedê dev jê berde. Min li nava çavê we nihêrt û ev pirs kir. Heke te bigota me niha ev nîqaş nedikir.”
Rojnamegerên jin ên di dema protestokirina qetilkirina rojnameger Nazim Daştan û Cîhan Bîlgînê de hatin girtin, diyar kirin ku dê mîrateya Nazim Daştan û Cîhan Bîlgîn bidomînin û wiha gotin: “Li ku derê dibe bila bibe em ê binivîsin û bikişînin.”
Welatyê bi navê Nezîr Tekçî li Geverê hatibû binçavkirin û piştre hatibû qetilkirin. Parêzerê dozê Huseyîn BogaTekçî diyar kir ku doza Tekçî bi xetereya demborînê re rû bi rû ye û banga tevlibûna danişîna dozê kir.
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan serî li Serdozgeriya Bûrsayê û Midûriyeta Girtîgeha Îmraliyê dan.
Rêveberiya Xweser têkildarî êrişên di demên dawî de li dijî Elewiyên li Sûriyeyê tên kirin daxuyaniyek da û wiha got: “Nêzîkatiyên şaş ên li hemberî çi pêkhateyeke Sûriyeyê dê bandorên wê yên neyinî hebin û dê xizmeta armaniya nakin.”
Di doza rojnameya Ozgur Gundemê de ku rêveber û nivîskarên wê bi îdiaya “propagandaya rêxistinê” tên darizandin, 11 sal û 7 meh cezayê hefsê hate dayin.
Girtî Ramazan Kaya ku li Girtîgeha Hejmar 2 ya Dumluyê tê ragirtin, li ser telefonê bi malbata xwe re hevdîtin kir û bal kişand ser binpêkirinên li girtîgehê. Kaya, wiha got: “Piştî vê hevdîtina telefonê nizanim dê çi bi serê min bê.” Kaya, banga hestiyariyê li raya giştî kir.
Serokê PEN a Navneteweyî Burhan Sonmez, diyar kir ku qetilkirina rojnamegerên Kurd û zextên li ser wan nîşaneya bêperwatiyê ye û wiha got: “Ji bo nixûmandina rastiyan rojnamegeran hedef digirin.”
Rojnamegerên li Wanê bertek nîşanî qetilkirina hevpîşeyên xwe dan û gotin, “Tevî binçavkirin, girtin û zextên bi salan, me paşve gav neavêt. Em ê têkoşîna hevrêyên xwe yên hatin qetilkirin bidomînin."
Akademîsyen Haşim Zêbarî û Kamûran Berwarî diyar kirin ku tekane derdê dewleta tirk a li Sûriyeyê hêzên Kurdan e û wiha gotin: “Tirkiye jî dizane ku Sûriyeyeke demokratîk tê wateya Rojhilata Navîn a demokratîk. Tunebûna destkeftiyên li Rojava dê bê wateya tunebûna Iraq û başûrê Kurdistanê.”
Danişîna duyemîn a doza qetilkirina Narîn Guranê dest pê kir.
Taybet Encu ku di Komkujiya Roboskê de birayê xwe û di têkoşîna edaletê de jî dayika xwe winda kir, wiha got: “Heke edalet hatibûya Roboskê dê pirsgirêka Kurd çareser bûbûya.”