Serokwekîla Koma HDP’ê Meral Daniş Beştaş bersiv da Erdogan ku propagandaya girtina Girtîgeha hejmar 5 a Amedê dikir û wiha got: “Her devera Tirkiyeyê kirin girtîgeh. Kurd, dîsa li hemû girtîgehan li dijî îşkenceyê li ber xwe didin. Zîhniyeta Girtîgeha Hejmar 5 a Amedê û ya AKP-MHP’ê heman zîhniyet e.”
Hevseroka Giştî ya HDP’ê ya Berê Fîgen Yuksekdag a girtî diyar kir ku tu siyaseta ji bo pirsgirêka kurd perspektîfeke çareseriyê pêşkeş neke wê sernekeve û têkildarî tecrîda li Îmraliyê wiha got: “Heta ku mifteya wî derî neyê vekirin, wê pêşeroja Tirkiyeyê jî miftekirî be.”
Hevserokê Giştî yê HDP’ê Mîthat Sancar diyar kir ku desthilatdarî ol û baweriya îstîsmar dike û bal kişand ser girîngiya wekheviya hemû baweriyan.
Erdogan xîtabî girseya ji derve anibû kir û bi kadroya mamosteyên kurdî pesnê xwe da, dîsa HDP’ê hedef girt.
Komîsyona Gel û Baweriyan a HDP’ê kampanyaya “Di Îslamê de Ked, Aştî û Edalet” da destpêkirin. Di danasîna kampanyayê de hat gotin ku divê kar û barên ol û dewletê ji hev bên cudakirin û hat destnîşankirin ku îro di dema desthilatdariya îslamiyan de baweriya mirovan a bi edaletê kêm bûye.
Hevserokê Giştî yê DBP’ê Keskîn Bayindir li dijî bikaranîna çekên kîmyew ji hêla Tirkiyeyê ve, wiha bang li hikûmeta Iraqê kir: “Soza xwe bi cih bînin.”
Parlamenterê HDP’ê Mahmût Togrûl di kongreya Rêxisitina DBP'a Şahînbey a Dîlokê de axivî û anî ziman ku saziyên navneteweyî li dijî bikaranîna çekên kîmyewî bi bêdengiya xwe dibin şirîk û sûc dikin.
Wekîlê Serokê Koma HDP’ê Sarûhan Olûç li Geverê got: “Heke we çekên kîmyewî bikar neaniye wê dere ji xelkê re û rêxistinên navnetewî re vekin.”
Walîtiya Amedê ji bo beşdariya mitînga Erdogan a Amedê zêde nîşan bide pankartan û afîşan li gelek deverên bajêr daliqandiye û ji 12’ê cotmehê ve li ser hev peyam ji welatiyan re dişîne.
Hevserokê Giştî yê HDP’ê Mîthat Sancar bang li heyetên serbixwe kir ku çekên kîmyewî yên Tirkiye bikar tîne lêkolîn bike û got: “Teqez divê heyetên serbixwe lêkolîn bikin û pêwîste rastî çi be derbixin holê.”
Serokwekîlên Koma HDP’ê Meral Daniş Beştaş û Sarûhan Oluç êrişên bi çekên kîmyewî yên artêşa tirk ji Wezîrê Parastinê yê Tirkiyeyê Hulusî Akar pirsîn.
Hevserokên HDP’ê Pervîn Buldan û Mîthat Sancar ji bo Serokkomarê Iraqê yê nû Latîf Reşîd peyama pîrozkirinê weşand û Reşîd pîroz kir.
Serokê Giştî yê AKP’ê Tayyîp Erdogan dema rozeta AKP’ê bi parlamenter Mehmet Alî Çelebî ve dikir, bi van gotinan dijminatiya xwe ya li kurdan anî ziman: “Zarok pir girîng in. Em ji xwedê bixwazin. Her PKK’iyekî 5 zarok, 10 zarok, 15 zarok hene.”
Cîgirê Serokê Giştî yê PÎA’yê Ahmet Kaya diyar kir ku ‘7’emîn Hevdîtina Aliman’ a li Amedê hate lidarxistin li dijî Rêya Sêyemîn pêngaveke tê pêşxistine û xwest ku li dijî vê yekê helwest bê nîşandan.
Hevseroka Giştî ya HDP’ê Pervîn Buldan bertek nîşanî gotina Erdogan ku ji bo komkujiya li Bartinê digot; “Şukir ku hêj 24 saet bi ser re derbas nebûyîn me 41 şehîdên xwe derxistin” da û ev tişt anî ziman: “Belê rast e, hêj 24 saet derbas nebûbûn ku we zîhniyeta xwe ya rasteqîn nîşan da.”