Rojnameger Bêrîtan Sarya diyar kir ku êrîşên HTŞ’ê yên li ser Helebê û êrîşên Tirkiyeyê yên li ser Rêveberiya Xweser heman plan in û wisa xuya dike ku dê HTŞ jî wek rejîma BAAS li dijî Rêveberiya Xweser siyasetê bimeşîne.
Di doza Nîhat Kazanhan de ji bo polîsê bersûc biryara lêgerînê ya bi bûltena sor hatibû dayin û biryar hate dayin ku qeydên HTS’ê yên faîlî bên lêkolînkirin.
Ji rewşenbîrên ji bo çareseriya pirsgirêka Kurd bang kirin Oya Baydar anî ziman ku ji bo dijminatiya li Kurdan ji mejiyê mirovan were jêbirin divê partiyên muxalefetê gavan biavêjin. Onûr Hamzaoglû jî got ku gava ewil divê tecrîd were rakirin.
Polîsan li Cizîrê bi ser malan de girtin û zarok jî di nav de 4 kes hatin binçavkirin.
Endamê MYK'ê yê EMEP'ê Halîl Îmrek têkildarî geşedanên li Rojava axivî û got, "Her êrîşeke li dijî Rojava, darbeya li daxwazên gel ên demokrasî û azadiyê ye. Divê hemû kes li Rojava ya ku li hemberî hovîtiya DAIŞ’ê parastina gelan kir xwedî derkevin.”
Welatiyên beşdarî çalakiya nobetê ya li ser sînorê Qamişlo-Nisêbînê bûn, wiha gotin: “Rojava, rûmeta mirovahiyê ye û em xwedî li Rojava derkevin.”
Serokê Rûmetê yê ÎHD’ê Akin Bîrdal diyar kir ku divê partiyên li Meclisê li dijî tecrîdê bên gel hev û wiha got: “Divê Rêberê PKK’ê Abdullah Ocalan biaxive. Divê ev firsend were dayin û tavilê zemîna vê ya hiqûqî were amadekirin.”
Endamên Platforma Saziyên Demokratîk ji bo “Meşa Çareseriya Demokratîk û Azadiyê” ya bi daxwaza azadiya fîzîkî ya Rêberê PKK’ê Abdullah Ocalan û çareseriya demokratîk a pirsgirêka Kurd dê ji Amedê ber bi Enqereyê ve were lidarxistin, banga tevlibûnê kirin.
Hevserokê Şaxa OHD’a Êlihê Şîrîn Şen bal kişand ser nîqaşên têkildarî nenaskirina “Binpêkirina mafê hêviyê” yê DMME’yê ji bo Rêberê PKK’ê Abdullah Ocalan dabû û wiha got: “Nenaskirina mafê hêviyê, binpêkirina qedexeya îşkenceyê ye.”
Parêzer Cemîle Turhalli ji bo doza Hevserokê MED-DER’ê yê berê Rifat Ronî banga piştevaniyê kir û wiha got: “Ev doz, berdewamiya tacîza darazê ya li dijî Kurdî ye. Ev doz, doza her kesî ye û divê her kes xwedî lê derkeve.”
Hejmara 261an a Rojnameya Xwebûn bi manşeta Kirmanckî ya “Çol de gulêke: Rojava” derket û bal kişand ser modela Rojava.
Hevserokatiya PYD’ê diyar kir ku li dijî êrişên ser Bakur û Rojhilatê Sûriyeyê divê civîna neteweyî ya Sûriyeyê were lidarxistin.
Di çarçoveya Hefteya Mafên Mirovan de li Stenbolê bi dirûşma “Jin aştiyê diaxivin” çalakî hat lidarxistin. Di çalakiyê de wiha hate gotin: “Em jin niha dibêjin ku ji bo bidawîkirina binpêkirinan, ji bo aştiyê em bi hev mafê aştiyê diparêzin.”
Şivanê ku li herêma germava Hestayê ya navçeya Basê ketibû çemê Dîcleyê, mirî hat dîtin.