NAVENDA NÛÇEYAN - Ciwanên Kurdistanî û enternasyonalîst, ji bo azadiya fîzîkî ya Abdullah Ocalan pêk were dê di çalakiya “Rêwîtiya Azadiyê” de bên bahev.

 

Çalakiya Rêwîtiya Azadiyê ku dê ji bo azadiya fîzîkî ya Abdullah Ocalan pêk were bê lidarxistin dê di navbera 3-8’ê îlonê de di navbera bajarên Dortmûnd û Kolnê yên Almanyayê pêk were. 

 

Komîteya Amadekar a Çalakiyê ku li ser hesaba xwe ya medyaya dîjîtal têkildarî çalakiya ku dê bi dirûşmeya “Bi rûhê Apogerî ber bi Rêwitiya Azadiyê ve” lidarbixin wiha got: “Em bang li ciwanên kurd û enternasyonalîst dikin ku li dora Rêber APO bibin yek.”

 

Roja ewil a çalakiya protestoyî ku wê ji bajarê Dortmûnd ê Almanyayê heta Kolnê dewam bike, wê bi konferanseke têkildarî Abdullah Ocalan dest pê bike. 

 

Komîteya Amadekar dê têkildarî çalakiyê di rojên pêş de daxuyaniyeke nivîskî biweşîne.