Serokê DYA’yê Donald Trump li ser telefonê bi Serokê Dewletê yê Rûsyayê Vladîmîr Putîn re hevdîtin kir. Trump, têkildarî hevdîtinê bi New York Postê re axivî û got ku têkildarî şerê li Ûkraynayê axivîne. Trump, di balafirê de pirsa rojnamegeran a “We bi Putîn re çend caran hevdîtin kir?” jî wiha bersivand: “Heke ez nebêjim çêtir e.” 

 

Trump, diyar kir ku berevajî serokê berê Joe Biden, her tim têkiliya wî ya bi Putîn re baş bû û wiha got: “Biden ji bo neteweya me cihê şermezariyê ye.” Trump, destnîşan kir ku ji bo bidawîkirina şerê li Ûkraynayê xwedî planeke şênber e û got: “Hêvîdarim ev bilez û bez pêk bê.” 

 

Kremlînê heta niha têkildarî hevdîtinê tu daxuyanî nedaye.