ŞIRNEX - Xebatên lêgerînê yên ji bo zaroka 15 salî ku tê îdiakirin xwe avêtiye Çemê Dîcleyê berdewam in. Li hêla din tedawiya zaroka din a hatibû xelaskirin berdewam dike.
Hat îdiakirin ku di 27’ê mijdarê de du xwişkan li navçeya Cizîr a Şirnexê ji bo întîharê xwe avêtin Çemê Dîcleyê. Ji zarokan Z.Ç. a 14 salî ji hêla masîvanên li derdorê ve hate rizgarkirin. Lê zaroka 15 salî Z.Ç. di demekî kin de li ber avê ket û winda bû.
Tedawiya Z.Ç. a 14 salî ya li nexweşxaneyê berdewam dike û hat zanîn ku rewşa wê ber bi başiyê ve diçe.
Xebatên lêgerînê yên ji bo dîtina zaroka 15 salî jî li ser sînorê Bakur û Rojhilatê Sûriyeyê tên domandin.