Ji hilbijartinên herêmî yên 31’ê Adarê re kêm roj man û partiyên siyasî xebatên xwe lezandin. Partiya Wekhevî û Demokrasiyê ya Gelan (DEM Partî) li Mûşê xwedî bingeheke baş e û di anketan de jî derdikeve holê ku dê di vê hilbijartinê de namzetên Hevşaredariyê yên DEM Partiyê Sirri Soylemez û Tûba Sayilgan bi ser bikevin. Bajarê bi salan e bi destê AKP’ê tê birêvebirin, ji her alî ve ber bi xirabiyê ve diçe. Herî zêde li Mûşê koçberiya derve tê kirin û li bajêr debar bi çandiniyê û sewalkariyê tê kirin. Her ku diçe ev jî ber bi tunebûnê ve diçin.

 

KOTA HAT DANÎN, DEBAR ZEHMETTIR BÛ

 

Ji ber salan e bajar bi destê AKP’ê tê birêvebirin, deşta Mûşê bêav ma û ziwa bû. Tenê ji sedî 6’ê deştê çandiniya biavê tê kirin. Fabrîkayên pincar hatin taybetkirin û kota danîn ser çandina tûtinê û ev yek debarê zehmettir kir. Welatiyên debara xwe bi sewalkariyê dikin jî heman pirsgirêkê dijîn û anîn ziman ku hejmara sewalên wan ên mezin daketiye nîviya salên berê. Gel dizane sedema van hemû pirsgirêkan AKP’a ku bi salan e bajar bi rê ve dibe ye û di vê hilbijartinê de berê xwe daye DEM Partiyê. Li Mûşê Şaredariya bajar bi 486 dengan, Şaredariya Milazgirê jî bi 3 dengan, wekî ku YSK’ê dabe AKP hatin windakirin. YSK îtîrazên HDP’ê yên ji ber bêûsûliyan hatine kirin jî red kir. 

 

HEVSEROKÊN DEM’Ê

 

Namzetê Hevşaredariyê yê DEM Partiyê Sirri Soylemez salên dirêj in di Midûrtiya Hawîrdor û Bajarvaniyê ya Wanê de dixebitî û teqawît bû. Soylemez bi salan e di xebatên sendîkayan de cih girt û anî ziman ku ji herêmî dest bi siyasetê kirina wî girîng e. 

 

Namzeta Hevşaredariyê Tûba Sayilgan a dermafiroş jî anî ziman ku ji bowê di mijara xwe bi ser piya girtinê û pêhesîna têkoşîna jinê de para hevserokatiyê ya DEM Partiyê girîng e. Sayilgan da zanîn ku têkoşîna jinan di feraseta hevserokatiyê de xwe dide der. 

 

GIRÎNGIYA FERASETA PARTIYÊ

 

Sayilgan da zanîn ku ew bi zanîna kevneşopiya siyasî ji bo bibe denge jinan dê bê. Sayilgan destnîşan kir feraseta zilamsalar a berê hilweşiyaye û wiha axivî: “Dema em niha dinerin em dibinin ku serweriya  ew rêgezên hişk û feraseta zilamsalar kêm bûye. Êdî li dijî hevserokatiyê nîn in. Hem jin hem mêr pê hesiyane ku mafê jinan jî yê temsîlkirinê heye. Dema dîtin ku dê nêrîna jinan guherîneke çawa ava bike, dê wê çaxê bawer bikin ku divê jin di her qadekê de bin.” 

 

JIN DI HER QADEKE JIYANÊ DE NE

 

Sayilgan diyar kir ku dewlet bi pereyeke ku “birçîtiyê têr bike” jinan di malan de daye girtin û bilêv kir ku divê ev jin di têkoşînê de cih bigirin, û got ku divê jin di vê hilbijartinê de gavên girîng bavêjin. Sayilgan axaftina xwe wiha domand: “Di rêveberiyê de danezana “jin nikare bike” heye lê belê em ê nîşanî wan bidin ku jin hene û dê di rêveberiyê de jî  hebin. Em ê bi diruşma “Jin, jiyan, azadî” berê xwe bidin riya xwe. AKP di herêmên bi salan e bi rê ve dibe de tu sazî çênekir û ev bajar bajarê herî kêm ê jin tê de dixebitin e. Em ê kooperatîfên çandiniyê û projeyên ku jin di şaredariyê de bixebitin çêbikin. Qursên çêkirina berikan, xebatên çand û hunerê, di zimanê zikmakî de şano û kreşan, navendên şêwirmendiya jinan, xetên Alo tundî û dê gelek projeyên çalak bi pêş bixin. Em ê projeyên ku jinan di tevahya qadên jiyanê de bi cih bike pêş bixin.” 

 

‘EM Ê XEBATÊN PIRALÎ LI DAR BIXIN’

 

Sayilgan da zanîn ku di bin banê Midurtiya Malbat û Polîtîakayên Civakî, maleke xwe spartinê heye û bi bîr xist ku her kesek cihê vê mala xwe spartinê dizane û wiha dirêjî da axaftian xwe: “Em ê şûna van ciheke ewletir û tenduristî saziyên jinan vekin. Armanca me ew e ku em ciwanan ji hişbirê dûr bixin û ji bo wan xebatan bi pêş bixin. Ji bo em bi cewherên zarokan bihesin, em ê xebatên perwerdeyê bi pêş bixin. Em ê bi helwesta çareserkirina pirsgirêkan tevbigerin. Tê dîtin ku jin xwe gihandina tenduristiyê de pirsgirêkan dijîn û dewlet dixwaze civakeke nexweş ava bike. Armanca me ew e ku em navendên tenduristiyê yên jinan ava bikin û xwe bigihînin xizmetên tenduristiyê. Em ê xizmetên tenduristiyê jî bi zimanê zikmakî bidin kirin û bi gelê xwe re dê bernameyên piralî li dar bixin.” 

 

‘DÊ GEL XWEDÎ GOTIN BE’

 

Sirri Soylemez destnîşan kir ku Deşta Mûşê ji ber feraseta şaredariya AKP’ê ziwa bû û diyar kir ku tevî hebûna avê qanalên avê nehatine çêkirin û ji ber vê yeke jî deşta di cîhanê de 3’yemîn a  herî mezin e berhem baş jê nayên girtin. Soylemez ev tişt gotin: “Ji bo cotkar û gel re kota danîn. Berhemên Mûşê yên herî baş, tune hatin hesibandin û gel mehkûmî birçîtî û xizaniyê kirin. Piraniya nifûsa Mûşê debara xwe bi tutinê dike, ji tutinê re kota anîn û bi zanebûn gel xizan kirin. Kargehên tutinê hatin girtin, kota ji bo silkên ku piraniya gel pê debara xwe dikir jî anîn. Ji bo gel qadên civakî nehiştin, her der kirin beton û ji bo gel cihê bêhnstendinê nehiştin. Dema em hatin dê projeyên DEM’ê gel be, dê di her projeyê gel xwedî gotin be û em ê bi gel re bajarê xwe bi rê ve bibin.”  

 

‘EM Ê QADÊN ŞÎN AVA BIKIN’

 

Soylemez anî ziman ku jin û ciwanên ku kedê bidin projeyên wan, dê heqdestê keda xwe bistînin û da zanîn ku ew ê bi şaredartiya gel, bi hev re bi ser bikevin. Soylemez axaftian xwe wiha bi dawî kir: “Em ê bi qadên xebatê yên bi pirhêlî ve bajarê xwe dewlemend bikin û berhemdar bikin. Em ê di her alî de bajarê xwe xurt bikin, dê xizmetên me ji bo fêdeya gel bin. Em ê şûna kavilên betonê, her cihekê bajar weke rengê Deşta Mûşê bixemilînin.”

 

MA / Rûken Polat