STENBOL - Siyasetmedar û nûnerên rêxistinên civaka sivîl ên di deklarasyona Newrozê ya Stenbolê de axivîn bal kişandin ser girîngiya têkoşîna hevpar. 

 

Kongreya Demokratîk a Gelan (HDK), Tevgera Jinên Azad (TJA) û Partiya Wekhevî û Demokrasiyê ya Gelan (DEM Partî) li hotêleke Stenbolê deklarasyona têkildarî pîrozbahiyên Newroza îsal ragihand. Siyasetmedar û nûnerên rêxistinên civaka sivîl ên piştî ragihandina deklarasyonê axivîn, bal kişandin ser girîngiya têkoşîna hevpar. 

 

BAYINDIR: DÊ NEWROZ BI XWE RE SERKEFTINÊ BÎNE 

 

Hevserokê Giştî yê Partiya Herêmên Demokratîk (DBP) Keskîn Bayindir got ku dê Newroza îsal ji bo azadiya fîzîkî ya Rêberê PKK’ê Abdullah Ocalan ku di tecrîdeke giran de tê ragirtin were pîrozkirin. Bayindir got ku dê Newroz bi xwe re ji bo gelê kurd serkeftinê bîne. 

 

BAYHAN: EM LI DIJÎ ŞER TÊDIKOŞIN

 

Parlamenterê Partiya Kedê (EMEP) yê Stenbolê Îskender Bayhan jî got ku ew li dijî pergala koletiyê ya hemdem a li Tirkiyeyê û li dijî polîtîkayên şer têdikoşin. Hevserokê Giştî yê Partiya Tevgera Kedê (EHP) Hakan Ozturk, Seroka Halkevlerî ya Stenbolê Zeynep Çelîk, Hevseroka Giştî ya Federasyona Komeleyên Elewiyan ên Demokratîk (DAD) Kadriye Dogan, Serokê Giştî yê Dev Yapi-Îş’ê Ozgur Karabulut û endamê MYK’a DEM Partiyê Onur Hamzaoglû jî bal kişandin ser têkoşîna hevpar a gelan û banga herikîna qadên Newrozê kirin.