ENQERE - Hewldana Edaletê ya ji bo Roboskê di meha 147’emîn a Komkujiya Roboskê de careke din ji bo Roboskê daxwaza edaletê kirin û wiha got: “Heta ku hevrûbûn nebe demokrasî ne pêkan e.”

 

Hewldana Edaletê ya ji bo Roboskê ku her 28’ê mehê tê cemhev, di meha 147’emîn a komkujiyê de li pêşiya avahiya Şaxa Komeleya Mafên Mirovan (ÎHD) a Enqereyê daxuyanî da. Di daxuyaniyê de pankarta “Roboskê êdî tu caran” hate vekirin û endamê Hewldanê Tanju Gunduzalp daxuyanî xwend. Hevserokê Giştî yê ÎHD’ê Huseyîn Kuçuk Balaban jî di nav de gelek nûnerên sazî û dezgehan tev li daxuyaniyê bûn. 

 

‘RÊYA DEMOKRASIYÊ JI BO ROBOSKÊ EDALET E’  

 

Gunduzalp, ê Komkujiya Roboskê bibîrxist, wiha got: “Rêya demokrasiyê ya aştiyê, ya li dijî derketina sînoran ji bo Roboskê edalet e.”

 

‘HETA KU HEVRÛBÛN NEBE DEMOKRASÎ NE PÊKAN E’ 

 

Gunduzalp, wiha domand: “Heke em ji bo Xezayê çavê xwe bigirin, ji Filistînê re guhê xwe bigirin, Helebceyê ji nedîtî ve werin, li Roboskê li pey edaletê bigirin, şer û sûcê mirovahiyê yê desthilatan dê bidome. Parastina maf û azadiyan divê berpirsyariya me ya esas be. Heta ku hevrûbûn nebe, pirên aştiyê pêk neyên, demokrasî jî ne pêkan e. Aşkerekirina berpirsyarên Komkujiya Roboskê, darizandin û cezakirina wan ji bo hemû binpêkirina mafê jiyanê yê vî welatî girîng e. Me ji bîr nekir, em ê ji bîr nekin û nedin jibîrkirin.”