Hevserokên Giştî yên Partiya Wekhevî û Demokrasiyê ya Gelan (DEM Partî) Tulay Hatîmogûllari û Tuncer Bakrhan, çûn serdana Şaredariya Bajarê Mezin a Amedê. Parlamenter û rêveberên partiyê yên bajar jî di serdanê de cih girtin. Şande, ji hêla Hevşaredarên Bajarê Mezin Serra Bucak û Dogan Hatun û hevşaredarên navçeyan ve hatin pêşwazîkirin. 

 

Bakirhan, di serdanê de di şexsê şaredariyan de xelkê bajar pîroz kir û wiha got: “Di serî de hevşaredarên me yên Bajarê Mezin, em di wê baweriyê de ne ku dê hevşaredarên me xizmetekî layiqî xelkê me bikin.” 

 

XIZMETA HÊJAYÎ GEL

 

Hatîmogûllari jî bi bîr xist ku wan di hilbijartinê de soza xizmetekî hêjayî gel dane û ev tişt anî ziman: “Em di wê baweriyê de ne ku hem li Amedê hem jî li deverên din em ê xizmetekî hêjayî gel bikin.” 

 

Hevserokên giştî di serdanê de şampiyontiya Amedsporê jî pîroz kirin. 

 

Piştî axaftinan, serdan ji çapemeniyê re girtî dom kir û piştre jî hevserokên giştî ji şaredariyê derketin.