Hevseroka Giştî ya Partiya Demokratîk a Gelan (HDP) Serpil Kemalbay, di civîna koma HDP'ê ya Meclîsê de mijarên di rojevê de nirxandin. Kemalbay, ewil kesên di komkujiya 10'ê Cotmehê de li Gara Enqere hatin qetilkirin bibîr anî û komkujî şermezar kir. Kesên beşdarî ciîvîna komê bûn jî bi qerewata xwe kokartên "Em 10'ê Cotmehê ji bîr nakin" vekerin. Kemalbay, êrîş û astengiyên polîsan ên ji bo bîranîna kesên di komkujiyê de jiyana xwe ji dest dane jî rexne kir û wiha got: "2 sal berê îro li Gara Eneqere 102 hevalên me yên têkoşîna ked, demokrasî û azadiyê didan hatin qetilkirin. Me ew di êrişa DAIŞ'ê de winda kirin. 2 salin biranînên ji bo hevalên me rastî êrîşan tên. Îktîdara AKP'ê 2 salin şertên faşîzmê giran dike û rejîma yek zilamî diparêze. Bi êrîşa hêzên demokrasiyê rejîma xwe diparêze. Ev tirsa sucdarbûnê ne. Ji ber ku sucdarin ditirsin. AKP der barê komkujiya 102 kesan de gotinek jî negotin. Çima komkujiya herî mezin bi gotinekê şermezar nakin. " 

 

Kemalbay, bal kişand ser gotina Serokê AKP'ê Erdogan a "Eger hûn 400 wekîlan nedin min dê kaos çê bibe" û wiha got: "Ev kaos hewldana hikûmeta ku dixwaze bi tirsê Tirkiye bi rêve bibe. Dîmenên komkujiya 5'ê Hezîranê derketin holê. Dîmenên komkujiya Enqereyê jî derketin holê. Di dîmenan de jî derdikeve holê ku kujer hatine parastin. AKP dixwaze sûcê xwe veşêre. Ji ber vê yekê êrîşî derdorê dike. 

Ji ber vê yekê yên komkujiyê şermezar dikin rastî êrîşan tên. AKP ditirse ku berpirsiyarê van komkujiyan ronî bike. Ji ber ku sûcdar ew bi xwe ye. AKP dixwaze sûcê xwe veşêre." 

 

Kemalbay bal kişand ser serhildanên 6-7-8'ê Cotmehê yên ji bo  Kobanê û wiha berhdewam kir: "Ji ber ku Kobanê bi piranî ji aliyê DAIŞê ve hat dagirkirin hêzên demokrasiyê xwestin korîdora jiyanê bê vekirin. Ji ber vê yekê bang li gel kir ku li Kobanê xwedî derkevin. Me HDP'ê jî di vê pêvajoyê de bang li gelê xwe kir. Me jî bang li gel kir ku ji bo koorîdora Kobanê bê vekirin bi çalakiyan piştgiriyê bidin Kobanê. Li gorî zagonan bêyî destûr ji hikûmetê bistînin dikarin daxuyanî û xwepêşandanan bikin. Lê di çalakiyan de di êrîşa polîsan de hevalek me li Gimgimê hat kuştin. Bi giştî 54 mirovan di çalakiyan de jiyana xwe ji dest dan. 44 kes endamen partiya me bûn. Ji bo tiştên wê demê pêk hatin bên lêkolînkirin be bidehan caran pêşniyarname dan. Lê meclîsê ev yek qebûl nekir. Her dem dixwazin ser van kuştinan veşêrin û Yasin Boru derdixin pêş. Lê ger bi rastî dilê we ji bo wî diêje lekolîn bikin."