Parêzvanên jiyana xwezayî ji bo bal bikişînin ser terxrîbata ekolojîk ku dê ji ber Projeya Qenal Stenbolê rû bide, wê di 20'ê Îlonê de tevî şêniyên herêmê ji Yenîkoyê heya Karabûrûnê bimeşin.
Li herêma Geliyê Hirçan û Gilindor ên bi ser Çiyayê Cûdî ve şewat derket.
Wezareta Çandinî û Daristanê nêçîrkirina 26 pezkoviyan dabû ber îhaleyê. Lê belê Dadgeha Îdareyê ya Erzinganê biryara îhaleya nêçîrkirina pezkoviyan da sekinandin.
Li Çiyayê Herimiya ya li bajaroka Sêgirkê ya Qilabanê daristan şewitî.
Pisporê avhewayê û enerjiyê Onder Algedîk diyar kir ku ew gaza xwezayî ya li Derya Reş hatiye dîtin dê rê li ber karesatek nû veke û got: “Ev proje ji bo hawîrdorê, ewlehiya kar û krîza avhewayê maliyetek û fatûreyek mezin bi xwe re tîne.”
Bajaroka Çavûşlû ya Gîresûnê ku bi salan e li dijî tesîsa bermayiyan bi zirareke mezin r erû bi rû maye, aniha jî bi xetereya tesîsa masîyan û santrala bermayiyên hişk re rû bi rû ye ku dê li peravê bên avakirin.
Hewldana Parastina Mîrateya Çandî û Xwezaya Dersimê bertek nîşanî qirêjkirin û rûxandina Geliyê Mûnzûrê da.
Darên li Parka Kûgûlû hatin kesixandin hişk bûn. Endezyarê daristanê Ahmet Demîrtaş got darên hişk bûne dê carek din şîn nebin.
Li Çiyayê Amanosê ji ber agir bi daristanê ket, 30 hektor (300 dolim) qada daristanê tev şewitî.
Li texma Midûriyeta Herêmê ya 9'an a Rêbejahiyê, hin darên temenê wan sedsal in jî di nav de wê 3 hezar û 500 dar bên birîn. Dar, wê ji ber avahiyên ku dê nû bên çêkirin, bên birîn. Serokê Odeya Endezyarên Çandiniyê ya Amedê Samet Ûcaman, ji bo vê qadê got, zengilorka bajêr e û ji bo vê bang her kesî kir ku pêşî li ber vê pêkanînê bê girtin.
Helwesta kesên di holikên Avzêmên Mûnzûrê de firoşkariya seyyar dikin, ên li dijî xwezayê û mirovan rastî bertekan tên. Pîr Ahmet Şanli, diyar kir ku ev rewş bingeha xwe ji nêzîkatiyên ji nû de avakirina herêmê digire.
Li qada daristanî ya dikeve navbera gundên Derxust, Sîsê, Cinezur û Cimar ên girêdayî navçeya Lîcê şewatê rû da. Ekîbên agirkuj gotin ew der “qada çiyayî ye” û mudaxileyî şewatê nekirin. Hat diyar kirin ku ji ber bayê şewat belav dibe.
Ji Ocaxa Derwîş Cemal pîr Hasan Hayrî Şanli û ji Ocaxa Celal Abas jî pîr Zeynel Batar, bertek nîşanî îhaleyên ku ji bo sewalên kofî hatine vekirin dan û ev tişt got in: “Dawiya nêçirvaniyê bela ye. Bila nekin, dev jê berdin.”
Birîna daran a ku li çiyayê Cûdî ji aliyê cerdevanan ve ji bo lêkirina qaleqolan tê, gihîşt berwarê bajarê Şirnexê. Niştecihên herêmê, li dijî bêdengiya ji bo birîna daran a ku her carê li herêmekê pêk tê, bi bertek in.
Li Navçeya Hawêlê ya Sêrtê duh agir bi daristanê ket û ji duh ve daristan dişewite. Ji ber şewatê bi sedan hektar daristan tev şewitî. Ji ber rayedarên herêmê mudaxilî şewatê nakin, welatî bi derfetên xwe hewl didin agirê daristanê vemirînin.