Ajokarên kamyon û TIR'an ên di Deriyê Sînorê Xabûrê re derbas dibin, li dijî girankirina karên derbaskirina sînor çalakî li dar xistin. Ajokarên ji ber sepandina testa vîrûsê ya 36 saetan mexdûr dibin, çalakî li dar xistin.
Bihabûna fiyetên wesyaîtên destê dudoya bandor li firotinê jî kir. Kesên ji bo kirîna wesayîtan tên, ji ber ku fiyetên wan biha ne tenê li wan mêze dikin û diçin.
Cotkarên ku li navçeya Germencîkê dest bi berhevkirina hejîrên hişk kirine, diyar kirin ku heqê gubre, mazot, av, derman û ceryanê pir biha ye û gotin: "Keda cotkaran ji bazirganan re diçe." Her wiha karkeran jî anî ziman ku rojê 12 saetan dişixulin û heqdesta wan 70 lîre ye.
Aborîzan Prof. Ahmet Şahinoz, Prof. Dr. Veysel Ulusoy û Prof. Dr. Mustafa Durmuş, 'Mizgînî' ya Erdogan nirxandin û diyar kirin ku tu fêdeya “Mizgîniyê" ji aboriyê re tun ye. Aborîzan Şahinoz, anî ziman ku Tirkiye dê her tim di zirarê de be.
Li Rihayê cotkarên dest bi berhevkirina fisteqan kirin, ji bazirganên ku kîloya fisteqan bi 16 lîreyan dikirin û diçin bi 80 lîreyî difiroşin bi gilî gazind in. Cotkarên ku ji ber deynên xwe fisteqên xw ebi erzanî difiroşin, dixwazin dewlet fiyetekî diyar bike.
Seroka Giştî ya Egîtîm-Senê Feray Aytekîn, derbarê girtina sekreterya xwe ya jinan Derya Yûlcû û endamê xwe Saîm Atilgan de daxuyanî da û got: “Ji têkoşîna me acizin. Ji ber vê hevalên me digirin.”
Odeyên Tabîban, têkildarî belavbûna şewba kurevî Covît-19, li gelek navendan daxuyanî dan û diyar kirin ku eger tenduristiya hekîman û xizmetkarên neparêzin, dê nikaribin civakê jî biparêzin. Nûnerên odeyan diyar kirin ku ji ber şewb gelek zêde bûye, barê wan pir giran bûye û êdî hekîm nikarin nefesê bistînin. Hekîm jiyana xwe ji dest didin."
TOBB'ê rapora rewşa şîrketan aşkere kir û diyar kir ku di Tîrmehê de li gori meha berê ji sedî 35,34 kêm bûne û di Tîrmehê de Hezar û 505 şîrket hatine girtin.
Ji ber pêldariya di kûra dowizî de, perçeyên wesayîtan pir biha bûne. Esnafan, anîn ziman ku ji ber ku fiyetê perçeyên yêdek ji sedî 300 biha bûne êdî nikarin tu karî jî bikin.
Endamên Şaxa SES’ê ya Amedê, ji bo balê bikişînin şertên xwe yên zor ên xebatê û mafê xwe yên xwebûnê ji bo saetekê dev ji kar berdan û ji bo Wezareta Tenduristiyê “Qutiya bexşandinê” amade kirin. Endamên Şaxa Sendîkaya Kedkarên Xizmetên Civakî û Tenduristiyê (SES) a Amedê, ji bo balê bikişînin ser şertên xwe yên xebatê û bi daxwaza heqdesta adîlane, li Nexweşxaneya Lêkolîn û Perwerdeyê ya Gazî Yaşargîlê, ji bo saetekê dev ji kar berdan û çalakiya rûniştinê li dar xistin.
Li Rihayê cotkarên ku bacanên reş, firingî û îsotan diçînin, ji mecbûrî berê kîloya berên xwe bi 30 qurişî didin.
Şaxa SES'ê ya Amedê xizmetkarê tenduristiyê Abdulhalîk Gunduz ê bi vîrûsa covît-19 jiyana xwe ji dest da bibîr anî. Seroka Şaxa SES'ê ya Amedê Yildiz Okorak, diyar kir ku heta niha 430 xizmetkarên tenduristiyê bi şewba vîrûsa covît-19 ketine. Okorak, anî ziman ku ekîpmanên parastinê bê qalîte ne û xizmetkarên tenduristiyê nayên parastin.
Kûra dolar, di saetên serê sibehê de rêjeya 7,40’î derbas kir û derket lûtkeya dîrokî ya nû.
Banqaya Navendî, ragihand ku di peyaseya di navbera banqayan de lîmîtên deynên şevê daxistiye nivî nîvî.
Karkerên Tekstîla Ozakê ku ji ber endamê DÎSK'ê ne nikarin vegerin ser karê xwe, hevdîtin bi Waliyê Rihayê Abdûllah Erîn re çêkirine û gotin, walî ji wan re gotiye, midûrê kargehê jê re gotiye "Ez nahêlim sendîkaya DÎSK'ê bê fabrîkayê."