Karkerên Farplasê ji bo ku hevalên wan ên ji kar hatine derxistin dîsa vegerin ser karê xwe û mafên xwe yên sendîqayî dest bi çalakiyê kiribûn. Çalakî didome û karkeran niha jî çalakiya xwe veguhestin ber deriyê febrîqeyê.
Li Çewligê xwediyê dikanekê ji bo bertek nîşanî fatûreyên ceryanê yên zêde hatine bide li ser cama nivîsîbû, "Me dişêlînin." Piştî vê gelek esnaf fatûreyên xwe yên zêde hatine, tînin bi cama vê dikanê vedikin.
Li Taxa Xaçortê ya Wanê şêniyên diçin bazarê, ji ber bihabûna fiyetan bêyî ku tiştekî bikirin destvala vedigerin malê.
"Nobeda Spî" ya ku TTB'ê ji bo başkirina şert û mercên xebatê yên kedkarên tenduristiyê û mafên wan ên sereke dabû destpêkirin, di roja 2'yan de didome.
Platforma Tenduristiyê ya Amedê, li Nexweşxaneya Dewletê ya Selahaddîn Eyyûbî, serdana tenduristkarên di "Nobeda Edaletê ya Spî" de kir.
Li Şirnexê, 40 karkerên ku li kanên medenê dixebitin , ji ber ku mûçeyê wan nayê zemkirin dev ji kar berdan.
Hevserokê Şaxa TUM BEL – SEN a Amedê Mehmet Candar da zanîn ku ji ber zext û îxracan hejmara endamên wan ji hezar û 480 kesan daketiye 456 kesan. Candar diyar kir ku sedema vê jî qeyûm in û ew dê li dijî qeyûman têkoşîna xwe berdewam bikin.
Platforma Tenduristiyê ya Amedê bernameya xwe ya çalakiyan aşkera kir ku dê balê bikişînin ser tundiya li ser xebatkarên tenduristiyê û baş kirina mafên xwe yên reha. Li gorî bernameyê dê platform di navbera 26’ê Çileyê û 4’ê Sibatê de çalakiya nobedê û di 8’ê Sibatê de jî çalakiya grevê pêk bîne.
Rihayiyan nerazîbûnên xwe yên ji bo fatûreyên giran anîn ziman û destnîşan kirin ku piraniya budçeya malê diçe ji aftûreyan re û ji meaşê wan tiştek di dest wan de namîne.
Platformên Şaxan ên KESK’ê li gelek bajaran daxuyanî dan û xwestin endamên wan ên hatine îxrackirin li karên xwe vegerin û xala 35’an demkî were rakirin.
Welatiyên bertek nîşanî bihabûna fiyetan dan û gotin: "Ji bo sê çar kes zengîn bibin, em birçî tên hiştin."
Parlementerên HDP’ê yên Stenbolê, serdana xebatkarên BBC’yê ku 6 roj in di grevê de ne kirin.
Kazim Yilmaz ku piştî 20 salan çû gundê xwe yê li Dersimê û bi zor û zehmetiyên krîza aborî re rû bi rû ma, got: "Ji ber zemên tên kirin em nikarin debara xwe bikin."
Hilberînerên titûnê yên navçeya Wêranşarê, bertek nîşanî sererastkirina qanûna titûnê dan û ev tişt gotin: "Dest nede titûn û keda min."
Li Taxa Karaalî ya Rihayê, endezyarê çandiniyê Mûstafa Keskîner ku di seravaniya jeotermalê de dixebite, diyar kir ku torbeya gubreyê ku par bi 90 TL'yî bû niha bûye 330 TL û yê bi 270 TL'yî bû niha bûye hezar û 200 TL û got: "Firingiya bê ax çêdibe, bê gubre nabe."