Ferhat Demîr ê li taxa Xaçortê kargeriya rîşalê vekir bi 6 jinên ciwan re dixebitînin û kelûpelên xemlê çêdikin. Jinên ciwan hem hunerê fêr dibin hem jî ji kelûpelên xemlê kara aborî dikin. Xebatkarên kargehê dibêjin ku ew ji karê xwe kêfxweş in.
Festîvala Çand û Xwezayê ya Munzûrê bi ziyareta Gola Çeto û niyazan dest pê kir. Pîrê elewî Zeynel Kete vê bangê kir: “Gavek berê gavekê destê xwe ji ser pîroziyên me rakin.”
Piştî şaredarî ji qeyûman hatin stendin, çalakiyên çand û hunerî yên hatiûn qedexekirin careke din dest pê kirin. Jin û ciwanên ku tev li çalakiyên çand û hunerî yên Parka Koşûyolûyê bûn, ji ber vê yekê kêfxweş in.
Amadekariya Mihrîcana Xweza û Çanda Mûnzûrê ya Dersimê bi dawî bû. Mihrîcan sibê dest pê dike. Endamê Komîteya Amadekar a Mihricanê diyar kir ku wê mihrîcanê diyarî Nupelda û Ayaz ên li Pilûrê di teqînê de jiyana xwe ji dest dan bikin.
Şahiyên Koşûyolu ya ji aliyê Şaredariya Bajarê Mezin a Amedê ve tê lidarxistin di roja duyemîn de bi konsera Koma MA Muzîkê dewam kir. Komê dengê stranên hunermend Mihemed Şêxo û Aram Tîgran li Amedê belav kirin.
Bi ser koça dawî ya hunermend Hozan Serhat ê di bîra gelê kurd cih girtiye 20 sal derbas bû. Hozan Serhat bi gotinên “Çavkaniyek me ya xurt heye” li dijî tunekirina çanda kurd bi stran û awazên xwe têdikoşe.
Rojên Şanoya Gerok a Zarokan ku ji aliyê Şaredariya Bajarê Mezin a Amedê ve tê lidarxistin bi eleqeyek mezin dest pê kir.
“Çalakiyên Koşûyolû” ya ji aliyê Şaredariya Bajarê Mezin a Amedê ve tê lidarxistin bi konsera hunermend Hîvron û Mîkaîl Aslan dest pê kir. Ji OHAL'ê û şûnde piştî 4 salan yekem car li Parka Koşûyolû ya Amedê dengê stranên kurdî bilind bû.
Rojên Fîlmên Jinan ên Gerok piştî pêşandanên heftiyekê yên li Amed û navçeyên wê bi dawî bû.
Dadgeha Bilind cezayê girtîgehê yê ji bo hunermend Zûhal Olcay hatibû dayîn, erê kir.
Gazel Bûlût a di girtîgehê de û ji zaroka xwe dûre, ji bo hemû zarokên dayikên wan di girtîgehê dene edîtoryatî kir û pirtûka “Damlayan Masallar” nivîsand. Pirtûka “Damlayan Masallar” di refên pirtûkxaneyan de cih girt.
Li Çewligê, avahiyên ji serdema ermenanan mane yeko yeko xira dibin. Li herêmê deverên wekî îbadetxaneyên dihatin bikaranîn piranî hilweşiayne û ên mayî jî wekî axur tên bikaranîn.
Belgefîlma “Efsaneya Yaşar Kemal” a ku jiyana nivîskarê navdar Yaşar Kemal vedibêje li Amedê hat pêşandan.
Muzîkjen Mehmûd Berazî bi terzê xwe muzîka berxwedana kurdan estetîze dike û bi vê yekê jî xwe dispêre folklora kurdî. Tîhna xwe û civakê bi afirîneriya muzîkek xweşik dişkêne. Berazî ji bo karê xwe wiha got: "Vejîna ku vê şoreşê di rihê mirovan û xakê de ava kir, dibe ku muzîk û huner bibe ziman û wergera wê. Me xwest destanên liberxwedanê yên li Rojava mayînde bikin."
Şaredariya Êlihê, dê di navbera 16 û 22'yê Tîrmehê de, şevên sînemaya servekerî li dar bixe.