Li gor daneyên TUÎK'ê di navbera 2010 û 2016'an de miqdara ava di santralên termîk de dixebitînin duqat zêde bûye. Parêzer Mehmet Orûş bal kişand ser avakirina 60 santralên termîk ên nû û got wê di salên pêş de pirsgirêka ava vexwarinê zêdetir bibe.
Têkoşîna gundiyên li dijî fîrmaya madenê ya li Sêwasê xebatên madenê dimeşîne û 6 sal e ava arsenîk bi gundiya dide vexwarin dewam dike, hêj bi encam nebûye. Lê tişta ku gundiyan herî zêde aciz dike Serokê TBB'ê Metîn Feyzîoglu parêzeriya şirketa ku gundiyan jehrî kir dike.
Berdevkê Platforma Li dijî Nukleerê yê Mêrsînê Albay Antmen, diyar kir ku beyî ku pêvajoya hiqûqî ya der barê Santrala Nukleerê ya Akkuyuyê de temam bibe, avakîrîna wê ne qanûnî ye, santrala ku temenê wê 60 sal e, dê tenê bermahiyên qirêjî bihêle.
Rêxistinên civaka sivîl ji bo betalkirina Santrala Hêzê ya Akkûyûyê doz vekiribûn. Prof. Dr. Beyza Ustun diyar kir ku heke doz bê redkirin, ev tê wateya biryardayîneke siyasî û ger santrala nukleerî bê çêkirin wê hemû herêm bi madeyên radyoaktîf qirêjî bibe.
Parazvanên jiyanê û ekolojiyê ji bo têkoşîna ekolojiyê bêtir xurt bikin Tora Piştevanî û Ragihanidê ya Têkoşîna Ekolojiyê ava kirin.
Berdevka Platforma A Hediye Gunduz, bertek nîşanî projeya Şaredariya Bajarê Mezin a Antalyayê da û da zanîn ku şaredarî dixwaze li peravên Konyaalti talanê pêk bîne û ev tişt got: "Şaredarî dixwaze bi rantxuran pere bide qezenc kirin. Dê herêm di binê betonê de tune bibe. Dê hem xwezayê û hem jî tûrîzmê tune bikin."
Li Çiyayê Bestayê berî çend mehan bi hinceta “Ewlekariyê” dest bi jêkirina daran kiribûn û hêj didome. Darên tên birîn, li malên cerdevan û qereqolên leşkarî tên şewitandin.
Piştî tespîtkirina bermayiyên nukleerî, Fabrîkaya Zirincê ya Aslan Avci veguhastin Torbaliyê, lêcihê wê yê berê yê li Gazîemîrê talûkeyê dide der. Endamê Meclîsa Ekolojiyê ya HDK’ê Huseyîn Kandemîr anî ziman ku li navçeyê bûyerê pençeşêrê zêde xwe didin der û bermayiyên ku divê bên tunekirin, li fabrîkayan tên tunekirin.
Ekolojîst Ertugrul Barka yê li ser talankirina xwezayê lekolîn dike diyar kir ku eger hişmendiya li dijî xwezayê neyê guhertin dê heta 2023'yan karesatên mezin wan peşwazî bike û wiha got: "Sektora çandinî, madenvanî, pîşesazî û înşaetê bi tevahî tune bû. Heke gel ji vê re nebêjin 'raweste' dê sermaye me tune bike."
Sekreterê Desteya Koordînasyona Bajêr ê TMMOB’ê Melîh Yalçin anî ziman ku li Îzmîrê ji sedî 99’ên qadên SÎT’ê yên Xwezayî ji çarçoveya Qada Parastina Xwezayî hatine derxistin û ji bo derdorên sermayeyê di hedefa qadên rantê de ne. Yalçin wiha got: “Bi awayekî aşkere û li ber çavan wê îxanetê li Îzmîrê bikin.”
Dildarê Parastina Xwezayê Haydar Çetînkaya, bal kişand madena kromê ya li zozanê Karagozê tê vekirin, aşkera kir ku bi vê projeyê re dixwazin xwezaya herêmê tune bikin.
Li gorî îstatistikên TUÎK'ê yên der barê bermahiyên Ava Qirêj û Santrala Termikê, di sala 2016'an de li Santralên Termikê yên Tirkiye 12 hezar ton bermahiyên talûke belav kirine.
Ekolojîst Ertugrul Barka, têkildarî talankirina ekolojiyê û bandora wê ya li ser avê bal kişand ser qirêjiya baranê û wiha got: "Ji ber talana li ser xwezayê, barana ku dibare jî jehrê dibarîne."
Platforma Parastina Geliyê Locê, li dijî avakirina HES'an li pêş Peykerê Kartal a Beşiktaşê çalakî pêk anî. Endamên Platformê gotin "Hûn dikarin li Cîde destûrê bidin HES'ê, lê em destûr nadin ku hûn li Geliyê Loçê HES'ê çêkin. Em amade ne ji bo Geliyê Loçê can bidin."
Analîstê Enerjiyê Ozgur Gurbuz bertek nîşanî çêkirina Santrala Hêzê yên Nukleerê ya Akkuyuyê da û aşkera kir ku kesê pêzan li ser înternetê agahî kopî kiriye û li rapora ÇED'ê zêde kirine û da zanîn ku der barê mijarê de tu agahiya wî tune.