ŞIRNEX - Ji ciwanê bi navê Husamettîn Yargatekîn 6 roj in tu agahî nayê girtin. Xebatên lêgerînê yên ji bo dîtina Yargatekîn hatine destpêkirin didomin.
Ji ciwanê 24 salî Husamettîn Yalgatekîn ku tevî malbata xwe li navçeya Silopiya ya Şirnexê dijî, ji 17’ê mijdarê ve agahî nayên girtin. Malbata Yalgatekîn serlêdana windabûnê kir. Li ser vê yekê lêkolîn hate kirin û Yalgatekîn herî dawî li Parka Ataturkê ya li kêleka Çemê Dîcleyê yê navçeya Cizîrê hate dîtin. Li ser daxwaza malbatê, Şaredariya Cizîrê û komên AFAD’ê di Çemê Dîcleyê de dest bi xebatên lêgerînê kirin û ev xebat hêj berdewam in.