Berdevka Meclisa Jinan a HDP’ê Ayşe Acar Başaran diyar kir ku hewldana guherandina makeqanûnê ya îktîdarê ji bo hilbijartinê ye û wiha got: “Di demekê ku qetilkirina jinan zêde dibe de em bi sererastkirina makeqanûnê ya îktîdara AKP-MHP’ê re nînin.”
Îpek Gulşen diyar kir ku Baran Kizil ê gotiye, “dewlet li pişt min e” û hewl daye wê tecawiz bike hatiye berdan û got: “Biryara tehliyeyê gotina ‘li pişt min dewlet heye’ piştrast kir. Hê ku ez li jiyanê me dengê min bibihîzin.”
Kujerê Pinar Gultekîn, Cemal Metîn Avci bi îdiaya “Gef û heqaretê” doz li dayika Gultekîn, Şefîka Gultekîn vekiribû. Gultekîn di dozê de beraet kir.
Jin Bihevre Bihêz in dê di “Hevdîtina Herêma Egeyê” de bi jinan re bê ba hev û têkoşîna rêxistinkirî ya li dijî êrişên îktîdarê nîqaş bike.
Endama Navenda Lêkolînên Jineolojiyê Zahîde Memo diyar kir ku wan di Konferansa Zanîstê ya Yekemîn a Navenda Lêkolînên Jineolojiyê de cihê jinê yê di cihana zanîstê de nîqaş kirine û destnîşan kir ku di xebatên zanîstî de pêdivî bi “perspektîfa jinê” heye.
Derket holê ku kesê bi navê Yildirim S. ku 6 meh piştre ji ber mirina Zerrîn Kiliç hate girtin, biraziyê parlamenterê MHP’ê ye.
Parlamentera Efxanistanê ya berê Mursel Nebîzade li mala xwe ya li Kabulê rastî êrişeke çekdarî hat û hate qetilkirin.
Emîne Şenyaşar ji bo danişîna ewil a doza “komkujiya nexweşxaneyê” ku sibê bê lidarxistin got: “Heke zext çêbibe, dibe ku edalet pêk were û kurê min bê berdan. Hêviya min di hatina we de ye.”
Zilamê bi navê H.B. jina bi navê K.O. bi amûrek birînê birîndar kir.
Jina bi navê Emîne E. li Tarsusê ji hêla hevjînê xwe ve hate qetilkirin.
Komîsyona Jinan a OHD a Şaxa Enqereyê, rapora xwe ya der barê Girtîgeha Sîncanê ya Jinan de eşkere kir. Di raporê de binpêkirinên mafan hatie destnîşankirin û giha hat gotin: "Ji bo berpirsên van êrişên serdest ên mêran bên darizandin, em ê pêvajoyê bişopînin."
Li Êlihê Ahmet D. bi çekê êrişî Ezîze G ku dest ji hev berdabûn, birayê wê û biraziyê wê kir. Di êrişê de Ezîze G. û biraziyê wê birîndar bûn, birayê wê jiyana xwe ji dest da.
MKGP’ê “Rapora Binpêkirina Mafên Rojnamegerên Jin a Salekê” bi daxuyaniyekê parve kir. Di daxuyaniyê de hat destnîşankirin ku 18 rojnamegerên jin niha di girtîgehê de ne.
Meclîsa Jinên Ciwan a HDP'a Stenbolê, qetilkirina 3 jinên kurd ên di 9'ê Cotmeha 2013'an de li Parîsê hatin qetilkirin protesto kirin.
Siyasetmedara kurd Fîdan Dogan ku li Parîsê hatibû qetilkirin li ser gora xwe hate bibîranîn. Berdevka HDP’ê Ebrû Gunay di merasîma bîranînê de axivî û wiha got: “Dê hesaba qetilkirina her hevaleka me ji faîlan were pirsîn. Dê ev yek jî bi saya têkoşîna jinan û felsefeya ‘jin, jiyan, azadî’ pêk bê.”