Girtiyê nexweş Siddik Guler ê 84 salî bi kursiya biteker dikare bigere û nikare bi tena serê xwe lazimatiyên xwe dabîn bike, ji ber nîşeya "Baldar bin! Dibe ku bireve!" ya Wezareta Dadê sewqî Girtîgeha Îskenderûnê hat kirin.
Li Mêrdînê du kes bi hinceta ku di lîstika bi navê PUBG de transfera heqê “xelatê” pêk anîne bi îdiaya “fînansê ji rêxistinê re temîn dikin” hatin girtin.
Hevserokê Şaxa SES a Êlih Cîhan Tuzun xwest têkildarî aqûbeta Nexweşxaneya Dewletê ya Îluhê ya blokeke wê di erdhejê de xesar dît, raya giştî rast bê agahdarkirin û xwest li heman herêmê nexweşxaneyeke din bê avakirin.
Ji Şaredariya Êlihê Mehmet Esen, diyar kir ku eleqeyeke zêde ji bo Fûara Pirtûkên Kurdî heye û got: "Gel tê piştgirî dide, dipirse û dixwîn."
Li navçeya Qilebanê ji ber "Bendava Ewlehiyê" ya lê hatiye çêkirin gelek gund di bin xetereyê de ne. Welatiyên herêmê hem ji ber xetereya hilweşina bendavê hem jî ji ber erdhejên li herêmê çêdibin bi fikar in û daxwaz dikin ku demildest tedbîr bên girtin.
Cenazeyê Eylem Stêrk a YJA Starî ku li Elkê di êrişa hewayî de jiyana xwe ji dest da, piştî 79 rojan radestî malbatê hat kirin.
Li Wanê jinên Egîtîm-Senî dersa kincan a mamosteyên jin a MEB'ê protetso kir.
Hamasê piştrast kir ku serokê wan Yahya Sînvar di pevçûnê de jiyana xwe ji dest daye.
Dengdayîna taybet a li Herêma Federe ya Kurdistanê didome. Rojnameger Aram Germiyanî diyar kir ku PDK ji pêşmergeyan dixwaze ku wêneyê dengê xwe bikişînin û ji wan re bişînin.
Nûnerên sendîkayên teqawîdan serdana Hevserokên Giştî yên DEM Partiyê Tulay Hatîmogûllari û Tûncer Bakirhan kirin.
Girtiyên li Girtîgeha Tîpa E ya Gîresûnê tên ragirtin diyar kirin ku gardiyanan êrişî wan kirine û bang kirin ku bi awayekî “lezgîn” serdana girtîgehê bê kirin.
Hevşaredarê Artemêtê Cemîl Komî, diyar kir ku ji bo xebatên xwe nikarin nameyeke garantiyê ji Bankaya Îllerê bistînin.
Şaxa ÎHD’a Amedê rapora têkildarî binpêkirinên 9 salan eşkere kir. Li gorî raporê; mudaxileyî 361 xwepêşandanan hate kirin, 570 hatin qedexekirin û herî kêm 27 hezar kes hatin binçavkirin.
Hate diyarkirin ku li Dibistana Nergîzê ya li Taxa Azadî ya navçeya Şeqlawê di navbera pêşmergeyên PDK’î de şer derketiye û dengê guleyan hatiye bihîstin.