Siyasetmedarên kurd ên li Sûriyeyê biryara DYA'yê ya ji o pêşengên PKK'ê nirxandin û xwestin demildest dev ji vê biryarê bê berdan. Siyasetmedaran anî ziman ku ev pêşeng li Şengal, Iraq û Sûriyeyê ji bo mirovahiyê şer kirine û gelê kurd li cem pêşengên xwe ne.
Wekîlê Serokê Koma HDP’ê Ayhan Bîlgen têkildarî îdiayên ji peywîra xwe îstîfa bike axivî û got: “Lîjneyên partiyê de biryarê bidin.”
Parlamentera HDP'ê ya Amedê Dersîm Dag ku li dijî tecrîdkirina Rêberê PKK'ê Abdullah Ocalan 2 rojan ket grevê, diyar kir ku dê bi çalakiyen cuda dijberiya xwe ya tecrîdê bînin ziman. Dag, anî ziman ku jin û ciwan dê pêşengiya van çalakiyan bike û wiha got: “Daxwaza ciwanan ne tenê rakirina tecrîdê ye. Di heman demê de azadiya Birêz Abdullah Ocalan e."
HDP’iyan, di hevdîtinên budçeyê de, zeytûnên Efrînê anîn rojevê. Wezîrê Çandinî û Daristanan Bekîr Pakdemîrlî, diyar kir ku ew dahatûyên Efrînê ji bo xwe dixwazin û got: “Heya niha 600 ton berhemên zeytûnan anîne Tirkiyeyê.”
Berdevkê HDP’ê Saruhan Oluç bersiv da gefên Suleyman Soylû û got: “Ew, gef li kîjan hevalê me bixwe bila bixwe em nahêlin hespê xwe bibezîne. Soylû çima ji çi ditirse û bi sedan parazvanan tê Meclîsê?”
Serokê Şaredariya Elbîstan Durmuş Kuçuk û Serokê Şaredariya Unye ya Ordu Ahmet Çamyar ji aliyê Wezareta Karê Hûndir ve ji kar hatin dûrxistin.
Parlamenterê HDP’ê yê Dersimê Alîcan Onlu şûna gora Seyîd Riza û hevalên wî û jinên windayî yên Dersimê ji Serokomar Erdogan pirsî.
Hevserokê Giştî yê HDP'ê Sezai Temellî, di civina Hevserokên HDP'ê yên Bajaran de axivî. Temellî, bal kişand ser çalakiya Hevseroka KCD'ê Leyla Guven ku ji bo tecrîdkirina Ocalan şermezar bike ketiye grava birçîbûnê û wiha got: “Ev çalakî banga rizgarkirina Tirkiye ya ji tecrîdê ye. Em dê dihilbijartinên herêmî de 7/24 bixebitin. Em dê qeyûman bavêjin ser sergoyê dîrokê."
Hevserokê HDP’a Êlihê Nîzamettîn Toguç ê ku neçar bû bi salan li derveyî welat ma diyar kir ku girtina wî bi hilbijartinên herêmî re girêdayî ye û got: “Rengê dewleta kûr carna sor e û carna gewr e. Niha jî rengê wê kesk e. Ancak aqîl û nêzîkatiya wê her tim heman e.”
Serdozgeriya Komarê ya Enqereyê bi îdiaya “Propaganda rêxistinê kirin e” der barê Hevseroka Giştî ya HDP'ê Pervîn Buldan, Hevserokê KCD û Parlamenterê HDP’ê Berdan Ozturk, û parlamenterên HDP’ê Îmam Taşçier û Alîcan Onlu de fezleke amade kir.
Seroka Giştî ya Partiya ÎYÎ Meral Akşener, di civîna koma partiya xwe ya li meclîsê de axivî û got: "Hikûmetê piştî hilbijartinê "Bernameya çalakiya 100 rojan" xist meriyetê. Lê ev bername bê encam ma. Kesên gotin 'Me dowîz kêm kir' û hewa xwe avêtin, çima ceyran û xaza xwezayî kêm nekirin? Çima ceyran û xaza xwezayi kêm nebû?"
Serokê Giştî yê MHP'ê Devlet Bahçelî, di civîna koma partiya xwe de li meclîsê geşedanên dawî nirxandin. Bahçelî, xwest îsahata teqîna li barageha eskeran a Şemzînanê pêk hat aşkere bikin.
Parlamentera HDP’ê ya Wanê Muazzez Orhan, diyar kir ku di hedefa qeyûmên tayînê şaredariyan hatin kirin, destpêkê xebatên jinan hebûn û got: “Teqez em dest ji pergala hevserokatiyê bernadin. Dem dema em, jiyanek hevpar a siyaseta demokratîk bi hevre bidin avakirin e.”
Parlementerê HDP'ê yê Dîlokê Mahmût Togrûl, ji bo êrîşên li hemberî Bakur-Rojhilatê Sûriyeyê got, hewldanên AKP'ê yên ji bo hilbijartina herêmî ne. Her wiha Togrûl, bilêv kir ku AKP bi nîqaşa sondê jî dixwaze dengên hilbijêrên kurd bigire û got: "Lê dê hesabê AKP'ê yê ji bo kurdan li hev dernekeve."
Wekîla Serokê Koma HDP'ê Fatma Kurtulan ji bo Leyla Guven a ku li dijî tecrîdkirina Reberê PKK'ê Abdullah Ocalan dest bi greva birçîbûnê kir banga piştevaniyê kir.