Parlamentera HDP’ê Tulay Hatîmogûllari bal kişand ser polîtîkaya şer a AKP’ê û wiha got: “Bacên ku em didin, weke OSO, HTŞ, bombe, tank û top li me vedigerin. Em vê yekê bi tu awayî qebûl nakin.”
Ozlem Zengîn a AKP’î li Lijneya Giştî ya Meclîsê axivî û li ser anîna rojevê ya terkkirina mirinê ya girtiyên nexweş a HDP’ê got: “Gelo Aysel Tûglûk ji girtîgehê derneket? Derket. Me ji bo ji mafên xwe yên qanûnê sûdê bigire hewl da.”
Parlamentera HDP’ê Şevîn Coşkun da zanîn ku di dema hevdîtinên bi Rêberê PKK’ê Abdullah Ocalan de ji bo budçeya parastin û ewlekariyê 45 milyar lîre û di sala 2023’yan de jî 460 milyar TL budçe hatiye veqetandin.
Parlamentera HDP’ê Gulistan Kiliç Koçyîgît diyar kir Tirkiyeyê gelek deverên Rojava dagir kirine û wiha got: “Tirkiye hewl dide pêşî li ber polîtîkaya îlheqkirinê veke.”
Parlamentera HDP’ê ya Şirnexê Nûran Îmîr da zanîn ku ji bo nivîsên fermî yên Swîsreyê bi kurdî bên nivîsandin qanûnek hatiye derxistin û wihan got: “Lê li Tirkiyeyê dema parlamenterekî kurd bi kurdî diaxive axaftina wî tê qutkirin û weke ‘bi zimanê X ê nayê zanîn axivî’ tê qeydkirin.”
Wekîlê Serokê Koma MHP’ê Levent Bulbul bi gotina “tûrê zer” gef xwar. Wekîla Seroka Koma HDP’ê Meral Daniş Beştaş li dijî vê gefê got: “Bedelên herî giran me da û em hatin vir.”
KNK’ê di Encamnameya Kongreya 21’an de rewşa dawî ya her çar parçeyên Kurdistanê, herêmê û cîhanê nirxand û wiha got: “Heke em bikarin yekitiya xwe xurtir bikin, em ê bikarin statûyeke mayînde ji hemû Kurdistanê re çêkin. Ji bo vê yekê divê hemû hêz, partî, sazî û rêxistinên me û hemû gelê me yê li çar aliyê welêt, seknekî neteweyî raber bike. Bi vî rengî em ê bikarin hemû plan û projeyên dewletên dagirker ên li dijî Kurdistanê pûç bikin.”
Hevserokê KCD’ê Berdan Ozturk ê li Agiriyê di civîna gel de axivî, bal kişand ser tecrîda li ser Rêberê PKK’ê Abdullah Ocalan û wiha got: “Ne tenê desthilata AKP’ê û MHP’ê, muxalefet jî parçeyekî vê tecrîdê ye.”
Hevjîna Mehmet Sîncar, Cîhan Sîncar diyar kir ku dewlet naxwaze dosyeya Sîncar ronî bike û bang li Meclisê kir ku berpirsiyariya xwe bicih bîne.
Desteya Rêveberiyên Xwecihî ya Demokratîk a HDP'ê bal kişand ser girîngiya demokrasiya xwecihî û got: "Li Tirkiyeyê bêyî rakirina tecrîda li Îmraliyê, pirsgirêka kurd jî di nav de tu pirsgirêkên demokrasî û azadiyê nayên çareserkirin."
Parlamenterê HDP’ê Mûsa Pîroglû siyaseta dijminatiyê ya li dijî gelê kurd weke “sedemê hebûna desthilatê” penase kir û wiha got: “Di nava şer û xwînê de sindoqeke ku demokrasî serbikeve nikare were danîn.”
Wekîla Seroka Koma HDP’ê Meral Daniş Beştaş ji MHP’a ku partiya wan kirin hedef re got: “Hûn nikarin parêzvaniya me ya mafên mirovan bidarizînin. Ne hedê we ye.”
Di hevdîtinên budçeyê yên li Meclisê de parlamenterên AKP’ê û Partiya ÎYÎ li hev xistin.
Cîgirê Hevserokê Giştî yê ji Komîsyona Aborî û Çandiniyê Berpirsyar ê HDP’ê Ridvan Turan diyar kir ku budçeya Tirkiyeyê budçeya şer e û wiha got: “Bac ji gel tên komkirin û li dewlemandan tên belavkirin. Budçeya welêt, ji bo kirîna tank, top û çekan tê bikaranîn.”
Parlamenterê HDP’ê Habîp Eksîk îşkenceya lê hatiye kirin weke “heqareteke” li dijî manewiyeta Meclisê pênase kir û wiha got: “Divê Serokatiya Meclisê piştî giliyê min mudaxilî pêvajoya darizandinê bibe.”