Sendîkaya Teqawîtên Demokratîk (DEM-SEN), bi daxuyaniyekê avakirina xwe îlan kir. DEM-SEN'ê diyar kir ku ji ber şewba vîrûsê mirov qir dibin û li dijî vê qirkirinê rêxistinî ferz e.
Li Stenbol û Dersimê karker û kedkar derketin şibake û şaneşînên malên xwe û 1'ê Gulanê pîroz kirin.
Polîsan, 20 kesên ku xwestin li navçeyên Hopa û Borçka yên Artvînê ji bo pîrozkirina 1’ê Gulanê derkevin derve, binçavkirin.
DBP û HDP’ê bi daxuyaniyên niviskî 1’ê Gulanê piroz kirin û li dijî kedxwariyê banga mezinkirina têkoşînê kirin.
Qedexeya giştî ya li Bakurê Kurdistanê û Tirkiyê bandorek neyînî li ser esnafan dike. Welatiyan ji ber deyn û krediyan wesayîtên xwe derxistin ber firotanê.
Li Deşta Mêrdînê dexlûdanê cotkaran ji ber hişkesaliyê ango şilî nîne hişk bûn. Cotkarên bi deynan re rûbirû mane ji bo eraziyên xwe ku av didin jî bi fikar in.
Li Rihayê di roja ewil a qedexeya derketina derve de, dîmenên xizaniyê bêtir xuya bûn. Li taxên kesên dewlemend lê dijîn, kolan vala û bêdeng man. Li taxên xizan lê dijîn jî karker û kesên bê mal derketin kolanan, qarton û plastîk kom kirin.
Karkerên ku gotin, ‘Vîrûsa ku di kongreye desthilatê de derbasî mirovan nabe çawa çêdibe di çalakiyên karkeran de derbasî mirov dibe’ karkeran vexwendin qadan.
Karkerekî ku li Tersaneya Keştiyan a Tuzlayê, karê boyaxê dikir, ji bilindahiyê ket û jiyana xwe ji dest da.
Seyarfiroş Ahmet Ozer ku li kolanên Colemêrgê hewl dide debara xwe bi firotina tûtin û rûpoşan bike, diyar kir ku ligel biryara girtina giştî ya bêtemînat, bi birçîtiyê re rûbirû hatin hiştin.
Karker û kedkaran, diyar kirin ku li Tirkiyeyê yek ji pirsgirêka sereke binpêkirina mafên karkeran e û gotin: "Heta mafê kedkar û karkeran neyê dayîn aramî nayê vî welatî."
Wê Tirkiye ji 29’ê nîsanê heta 17’ê gulanê derbasî pêvajoya xwe mal de girtinê bibe. Esnafên Cizîrê bertek nîşanî vê biryarê dan û gotin: "Em ê di van 17 rojan de çi bixwîn?"
Hêzên ked û demokrasiyê xwestin derbarê 1’ê Gulanê de daxuyanî bidin, lê rastî mudaxileya polîsan hatin.
Karkerên li pîşesaziyê di bin şertên giran de dexebitin destnîşan kirin ku ew ji ber şewbê û krîza aborî heqê keda xwe nastînin û gotin: “Em bi nanoziko dixebitin.”
Karkerên bi sepanên kêfî û Kod-29’ê ji kar hatine avêtin, diyar kirin ku ew ê berxwedana xwe veguhezînin 1’ê Gulanê û xwestin Kod-29 were betalkirin.