Tevgera Ekolojiyê ya Mezopotamyayê ji ber bobelata şewatê peyamên piştevaniyê ji gelê yewnan re şand û bang li hikumetê kir ku şewata li Çiyayê Cûdî û Herêma Omeryan vemirîne.
Erdnîgariya Dersimê bi bendav, HES û projeyên madenê tê bêmirovkirin û tunekirin. Serokê Baroya Dersimê Bariş Yildirim diyar kir ku heke hemû proje bikevin meriyetê dê herêmek wek Dersimê nemîne û xwest ev herêm bê parastin û qada sîtê lê bê îlankirin.
Aktivîstê Komeleya Ekolojiya Amedê Guner Yanliç, diyar kir ku biryara Danıştayê ya li ser projeya HES a Newala Munzurê serkeftina hêza birêxistin a gel e û got: "Heke helwesata birêxistina li Dêrsimê ji bo HES’a Newala Munzirê hat nîşandan li Amed û Êlihê ji bo Hevsel û Heskîvê bê nîşandan dê heman serkeftinê bi dest bixe."
Endama Meclîsa Ekolojiyê ya HDK’ê Fatoş Osmanagaoglu, diyar kir ku şewata daristanan bi qestî pêk tên û got: “Şewat tenê ne daristanan, bandorê li hemû ekosîstemê dike. Ev texrîbat rê li ber hişkayî û lehiyê vedike.”
Li Antalyayê komeke ku ji bo mezaxtinek adil û xwezayî hatin gel hev Civata Xwirek a Antalyayê avakirin. Civat piştgirî dide hilberînerên biçûk û ew ji bo hilberîneriya xwirek a adil û xwezayî teşwîq dike.
Ekolojîst Fatîh Şahîn bertek nîşanê JES’ên li navçeya Ebexa Wanê çêdibin da û got: “Berê bi planên islahatê gel ji cih û warên wan didan koçkirin. Îro jî ji ber lêkirina HES û JES’an gel bê erd dimînin. Gelê ku erdê wan dikevin bin avê û xesar dibînin û dibin çol neçar dimînin ku koçê metrepolan bikin.”
Parêzerê Lîjneya Hawirdorê yê Yekitiya Baroyên Tirkiyeyê (TBB) Tuncay Koç diyar kir ku piştî kar û barên destûrnameyên kanên keviran radestî Midûriyeta Giştî ya Karên Madenê hatiye kirin, bê dîtin qad ji kanan re tên terxankirin. Koç got ku heke hemû destûrname di heman demê de bikevin meriyetê dê ji çaran yekê Antalyayê ji kanên madenê re bên terxankirin.
Civîna agahdariyê ya ÇED’ê ku ji bo çewlika mesiyan a ku dihat plankirin, li taxa Bogzak a Silîfkeyê bê çêkirin, ji ber bertekên şêniyên taxê hat betalkirin.
Şêniyên taxa Gozce ya navçeya Bozyazi ya Mêrsînê kana keviran a berê vebûbû xebatên wê sekinandin û vê carê jî heman şirketê li heman herêmê kana mermer vekir û niha jî li dijî vê têdikoşin.
Li Erdemliyê, qirêjiya di robar de xuya dikei welatiyên taxê dixe nava fikaran.
Hevserokê Odeyên Endezyariyên Madenan (MMO) ya Şaxa Amedê Dogan Hatun aşkera kir ku li Geliyê Dîcle 6 jê bi destur û 4 jê jî bê bestur bi giştî 10 kanên xîzê li gel wêrankirina xwezayê rê li ber qirkirina çandî jî vedikin.
Qeyûm 3 donim qemirgehên li qeraxa Gola Wanê tune kir û şûna wan kir plaj. Ekolojîst Serdar Çevîk, got li herêmê qeyûm bi awayekî topyekûn êrîşî ekolojiyê dikin û vê yekê wekî rantê dibînin.
Projeya madenê ya dixwestin li ser Geliyê Pulumurê çêbikin bi boneya “li dijî mewzûata hawîrdorê ye” hat betalkirin.
Li Herêma Xoçvanê darên çaman ji ber sedemeke nediyar zer bûn. Şêniyên Xoçvanê bang li rayedaran kirin û xwestin rojek berî rojekê daristan bê xelaskirin.
Şêniyên Taxa Ûzûndere ya navçeya Karabaglarê, li hemberî JES'a ku tê avakirin bertek nîşandan û diyar kirin ku mirovahî hemû di xetereyê de û ew ê heta dawiyê bitêkoşin.