Çopên ji neh cihokan û avên bermayî yên 8 şaredariyan tev li Gola Wanê dibin û bi vî awayî gol tê tunekirin. Ekolojîst Fatîh Şahîn, bi lêv kir ku şaredarî ji bo ser qiêrjiyê bigire, golê bi molozan dadigere. Şahîn got, divê tesîsa dawerivandinê ya biyolojik bê avakirin.
Endamên Platforma Dijberî Santrala Nukleer (NKP), li dijî avêtina bingeha Nukleerê bertekên xwe anîn ziman û diyar kirin ku tevî hemû nerazîbûnên wan dîsa bingeha santralê hat avêtin. Endamên NKP'ê wiha gotin: "Em ji bo pêşerojek xweş diyarî xweza û welatê xwe bikin em destûr nadin santralên nukleerê."
Yekîtiya Ekolojiyê bi armanca li dijî sermayedarên ku xwezayê talan û wêran dikin, xwe bi rêxistin kirin û di 26'ê Adarê de yekîtiya xwe îlan kirin. Mîmarê Yekîtiya Ekolojiyê û Rojnameger Ozer Akdemîr, diyar kir ku şîrketên sermayedar bi piştgiriya îktîdarê xwezayê talan dikin.
Parlementerê Mêrsînê Serdar Kûyûcûoglû, bertek nîşanî avêtina hîmê Santrala Nukleerê ya Akkûyûyê da û bal kişand ser mezinahiya talûkeya nukleerî. Aytûg Atici jî got: “Em nahêlin ev proje bê çêkirin.”
Sûlava Bêgirê yek ji newazeyên xweşik a xwezayê ye. Sûlav ji ber avakirina HES’an û hişkesaliyê her roja ku diçe coşa xwe winda dike û geşbûna wê nemaye.
Di çarçoveya pêngava yekem a “Projeya Qasa Rekreasyonê ya geliyê Dîcleyê” ku ji aliyê Wezareta Hawirdor û Bajarsaziyê ve hat amadekirin de, DSÎ’yê li Geliyê Dîcleyê dest bi xebata îslehkirina qamirgeh û lîtavê kir, lê ev xebat veguherî talankirina daran. Her çend UNESCO’yê got bila raweste, aktivîstên xwezayê gotin zirarê dide rûberka riwekî jî, lê makîneyên kar daran dibirin û dieciqînin.
Şêniyên Mêrsînê diyar kirin ku ew santrala nukleerê naxwazin û gotin: “Li şûna ku deshtilatdarî enerjiya alternatîf biafirîne, berê xwe daye avakirina santrala nukleerî. Em naxwazin Mêrsîn jî bibe Çernobîl û Fukuşîma.”
Li Amed, Edene û Îzmîrê avakirina Santrala Nukleer a Akkuyuyê hat şermezar kirin û wiha got: “Sazkirina Santrala Nukleerê zemîna amadekariya şer e. Em Santrala Nukleerê naxwazin.”
Ahmet Ayaz ê 99 salî 40 sal e di mehên biharê de derdikeve gelî, deşt û çiyayên li Wanê û nebatan berhev dike. Ayaz van nebatan li bajêr difiroşe, hem debara malbata xwe pê dike û hem jî şîfayê belav dike.
Parêzer Ozgur Ûlaş Kaplan, bal kişand ser projeya ku ava Çemê Mûnzûrê veguhêzînin tunelan û diyar kir ku dê ev yek rê li ber felaketan vebike. Kaplan, diyar kir ku projeyên bi vî renge hem li dijî hiqûqa netewî hem jî ya navnetewî ye.
Tevî hemû nerazîbûnên saziyên civakî li Amedê mizgeftên meçin û AVM li nava bajar tên avakirin. Nûnerên saziyên civakî û pîşeyî diyar kirin ku bi van inşaetan kêr li kezeba Amedê ku wekî neqeba hewayê ye tê xistin.
Li Samandagiyê ji bo çêkirina RES’ên ku di hundurê Keşîşxaneya Sîmonê de tên çêkirin rawestin doz hatibû vekirin. Heyeta dadgehê, rapora ÇED’ê ku wekî raporeke erênî hatibû dayîn bi heman awayî qebûl kir û destûr da ku kapasîteya RES’an bê zêdekirin. Hawirdorparêzên ku bertek nîşanî biryarê dan, ji bo çêkirina RES’an raweste serî li Şûraya Dewletê dan.
Ji bo piştevaniya jiyana ekolojîk bike, Sahafa Duçerxeyî li Stenbolê li 4 dibistanan “Pirtûkxaneya Ekolojîk” ava kir. Niha jî ji bo li dibistaneke li Bayramoglûyê pirtûkxaneyekê ava bike pedalên duçerxeya xwe digerîne.
MERÇED, darbarê santrala nêkleerê ya esasê wê sibe li Akkuyu bê danîn daxuyanî da û got: “Emê destûr nedin Mêrsîn bibe zibaleya nûkleerê.”
Ekolojîst Fatîh Şahîn diyar kir ku îsal ji ber guherîna avhewayê berf hindik bariyaye. Şahîn diyar kir ku sedemeke kêmbûna berf û baranê jî bendavên ku bi hinceta “ewlehiyê” tên çêkirin.