Tîma Futbolê ya Jinan a Şaredariya Silopiyayê ya ku di sala xwe ya ewil de derket lîga duyemîn niha ji bo lîga yekemîn têdikoşe. Listîkvanên tîmê diyar kirin ku hedefa wan şampiyonî ye û gotin ku piştgiriya gel bûye sedema serkeftinê û dixwazin vê piştgiriya xwe zêdetir bikin.
TJA di çarçoveya kampanyaya xwe de li navçeya Silopiyayê bi dayikan re civiya û bal kişand ser tecrîdê. Hevşaredara Silopiyayê Adalet Fîdan got ku tecrîd herî zêde bandorê li jinan dike û divê herî zêde jin li dijî wê derkevin.
Delegasyona Jinan a Navneteweyî hevdîtinên xwe yên li Amedê bi serdanên li DBP, MKG, DFG û Baroya Amedê bi dawî kir. Di hevdîtinan de mijara esas bandora tecrîdê ya li ser civakê bû.
Li Amed û Enqereyê di encama êrişan de du jin hatin qetilkirin.
Jinên Botanê ji bo ku balê bikişînin ser tecrìda li Îmraliyê ji Rêberê PKK’ê Abdullah Ocalan re gore û lîf rêsandin.
Parlamentera HEDEP’ê Sabahat Erdogan Saritaş diyar kir ku ji bo jinan ji bilî yekitiya jinên kurd tu rêyên din nînin û wiha got: "Divê em li dijî şer, pişaftin û qirkirina xwezayê yekitiya xwe ava bikin.”
Jina bi navê Fazîle Çavdar ji hêla kurê xwe ve hate qetilkirin.
Delegasyona Jinan a Navnetewî ku di nav de parêzer, parlamenter, ekolojîst û nûnerên saziyên sivîl jî hene serdanên xwe yên ku 2 rojan dom kirin bi HDK’ê re bi dawî kir. Şande dê serdanên xwe sibê li Amedê bidomîne.
Şandeya Delegasyona Jinan a Navneteweyî çû serdana Komeleya Dema Jinê û li xebatên ji bo jinên kurd tên meşandin guhdarî kir.
Hejmara 41’emîn a Kovara Jinê bi manşeta “Bîrdoziya ku astengdaran kêm dibîne, dibe sedema mezinbûna cihêkariyê” derket.
Duh di dema nûçe dişopand de rojnamevan Elfazî Toral bi derbkirinê hate binçavkirin. Toral piştî karûbarên îfadeyê, bi şertê kontrola edlî hate berdan.
Li Mêrdînê bi pêşengiya TJA û MEBYA-DER'ê ji bo Garîbe Gezer bernameyeke bîranînê hat lidarxistin.
Meclisa Jinan a HEDEP’ê ji bo serlêdanên bernamzetiyan bang li hemû jinan kir.
Polîsan bi ser mala Ayfer Şahîn û keça wê Şehrîban Mamuk de girtibûn û îşkence kiribûn. Li ser giliyê polîsan a bi îdiaya “Bi qûşxane-tawayan êrişî me kirin”, Şahîn û Mamûk hatin girtin. Mamuk neçar ma ku zaroka xwe ya 3 salî jî bi xwe re bibe girtîgehê.
Li gorî çeteleya tundiyê ya JINNEWS'ê di meha mijdarê de 36 jin hatin qetilkirin, 23 jinan bi awayeke guman jiyana xwe ji dest dan û 7 jin jî rastî hewldana kuştinê hatin.