Delegeyên Înîsiyatîfa Yekitiya Demokratîk diyar kirin ku pêkhatina yekitiya Kurdan dê pir beşdarî pêvajoyê bibe û gotin: "Heta ku em, gelê Kurd, yekitiya xwe ava nekin, em nikaribin bigihîjin tu statuyekê yan jî tu encaman bi dest bixin."
Endamê Komîsyona Girtîgehan a Şaxa OHD'ê ya Amedê Ferat Koçeroglû anî ziman ku pêvajoya ku ji bo çareserkirina pirsgirêka Kurd tê meşandin li girtîgehan xwe nedaye der û got: "Pêvajoya li derve bandor li girtîgehan nekiriye."
Yekem danişîna doza hevşaredarên Şaredariya Akdenîzê ya qeyûm tayinî wê hat kirin, dê sibê li Dadgeha Cezayê Giran a 2'yan a Mêrsînê bê lidarxistin.
Endama Meclisa Dayikên Aştiyê Muşeher Ulkeyê bal kişand ser neavêtina gavan ji aliyê dewletê ve û got: "Banga min ji serokkomar re ev e ku li sozên xwe xwedî derkeve. Dema ku te got, 'Bila çekên xwe deynin û gavan biavêjin', wan gav avêtin; niha divê hûn jî bi lez gavan biavêjin."
Zanyarê siyasetê Levent Koker diyar kir ku gavên ku divê dewlet wekî parçeyeke ji pêvajoyê bavêje têrê nakin û got: "Divê komîsyon niha pêşniyazên qanûnî yên der barê entegrasyona demokratîk de berbiçav bike."
Îdareya Girtîgeha Ewlehiya Bilind a Ereglî ya Konyayê wêneyê Ceylan Onkol a hat qetilkirin bifikar hesiband û neda pismamê wê Ferhat Onkol.
Endamê Konseya Rêveber a KCK’ê Mustafa Karasû biryara vekişîna gerîla ji Tirkiyeyê ji bo dewlet gavan bavêje wekî teşwîqkirinê nirxand û got: “Qanûnên azadiyê û rewşa Rêber Apo ya ku di mercên xebata azad de be xala krîtîk a pêvajoyê ye.”
Saeta hevdîtina Şandeya Îmraliyê û Serokkomar Tayyîp Erdogan a sibê diyar bû.
Dema rojnameger Hidir Yildiz kêliya ciwan ji hêla polîsan ve dihatin derbkirin dikişand, ji hêla polîsan ve bi lêdanê hate binçavkirin. Yildiz, der heqê polîsan de serlêdana sûc kir.
MSD’ê, êrişa li ser rêya Şam-Siwêdayê ya li dijî otobûsekê şermezar kir.
Ayşe Gokkan a ku li Girtîgeha Sîncanê tê ragirtin ji bo rojnamevan Huseyîn Aykol ê ku li beşa çavdêriya awarte tê tedawîkirin, ji hevjîna wî Nûray Çevîrmen re name şand.
Rojnameger Kadrî Kaya di sala 7’emîn a wefata xwe de li ser gora xwe hate bibîranîn.
Rêberê Gelê Kurd Abdullah Ocalan diyar kir ku du rê li ber komarê hene ku yek ji wan demokrasî û ya din jî şerê dij-Kurd e. Abdullah Ocalan, Komara Demokratîk weke zayîna sêyemîn pênase dike û dibêje: “Yên di vê cidî tevdigerin dê bi ser kevin.”
Nûçeya ajansa me ya der heqê çalakiya xwendekarên Zanîngeha Yuzuncu Yilê ya Wanê ku dixwestin mirina biguman a Rojîn Kabaîşê bê ronîkirin, ji aliyê platforma X’ê ve hate astengkirin.