Hevseroka Giştî ya HDP’ê Pervîn Bûldan di mitînga Qersê de destnîşan ir ku partiya wan ewlehî û teminata welat in û got: “Vana her ku têk diçin, dest bi êrişan dikin. Her ku êriş bikin wê têk herin.
Hevberdevkê Partiya Çepên Kesk Îbrahîm Akin diyar kir ku tenê yek deng jî ji bo guherandina qedera Tirkiyeyê pir girînge û wiha bang li hilbijêrên livdar kir: “Ji bo ku hûn dengê xwe bidin, serî li partiya me bidin.”
Namzeta Parlementeriyê Partiya Çepên Kesk a Çewligê Cemîle Tûrhalli Balsakê bal kişand ser girîngiya hilbijartina 14'ê Gulanê û got: "Ev hilbijartinê wekî şerê man û nemanê ye. Bi taybetî jî ji bo jinan pir girîng e, ji ber ku ew tim di nava civakê de rastî kiryarên nebaş tên."
Namzetê Partiya Çepên Kesk ê Stenbolê Sirri Sureyya Onder di mîtînga Çorlûyê de got: “Meger li vir pêdivî b imin tune bûye. Li vir mesele çareser bûye! Pelên dara me kêm bûn, lê dar heman dar e.”
Hevseroka Giştî ya HDP’ê Pervîn Bûldan di mîtînga Manîsayê de got: “Dengek ji Partiya Çepên Kesk re, dengek ji xistina faşîzmê re.”
Ahmet Turk ku li Dîlokê xîtabî bi hezaran kesî kir, got: “Ev siyaseta ku 40 sal in li hemberî gelê kurd tê kirin, dê di 14’ê Gulanê de bi dawî bibe. Wê gavê dê aştî û aramî bê. Em hêvî dikin ku dê 14’ê Gulanê ji bo hemû gelan bibe destpêkeke nû.”
Cîgirê Hevserokên Giştî yê HDP’ê Tayyîp Temel ê di mitînga Edremîtê de axivî, diyar kir ku yekane jehrbira faşîzmê Partiya Çepên Kesk e û wiha got: “Partiya Çepên Kesk ban û garantiya hemû gelan e.”
Hevberdevkê Maseya Îslamê ya HDP’ê Emîn Ay ku di serdana namzetên parlamenteriyê yên Partiya Çepên Kesk ên Meletiyê de axivî destnîşan kir ku desthilat olê li gorî berjewendiyên xwe bi kar tînê û wiha got: “Baweriya me ew e ku dê parastvanên heqîqet, edalet û azadiyê di hilbijartinan de bi ser kevin.”
Partiya Çepên Kesk ji bo civîna gel a dê sibê bi tevlibûna Hevberdevk Çîgdem Kiliçgun Ûçar li navçeya Dortyol a Hatayê li dar bixe bang li welatiyan kir.
Li yek ji navendên erdhejê Bazarcixê mexdûrên erdhejê li benda hilbijartinê ne. Xelkê navçeyê dibêje ku dê di hilbijartinê de hesaba tiştên jiyayîn ji îktîdarê bipirsin û dengên xwe bidin Partiya Çepên Kesk.
Rêxistina Partiya Çepên Kesk a Sêrtê ji bo mîtînga ku dê sibê saet di 15.00'an de li Qada Demokrasiyê ya Sêrtê bê lidarxistin, bang kir.
Namzetên Parlementeriyê yên Partiya Çepên Kesk, li gelek bajaran xebatên xwe yên hilbijartinê didomînin. Di hevdîtinan de welatiyan peyama "Em li gel Partiya Çepên Kesk in û em dixwazin AKP'ê birûxînin" dan.
Partiya Çepên Kesk dê sibe li Parka Jinan a 8’ê Adarê bi tevlibûna dehhezaran mitîngê li dar bixe. Siyasetmedaran ji bo tevlibûna mitîngê bang li gel kirin.
Hevseroka Giştî ya DBP’ê Saliha Aydenîz di xebatên hilbijartinê yên Mêrdînê de bal kişand ser hilbijartinên 14’ê Gulanê û wiha got: “Em dibêjin ku divê komara demokratîk, neteweya demokratîk were avakirin.”
Namzetê parlamenteriyê yê Partiya Çepên Kesk ê Amedê Cengîz Çandar bi endamên Platforma Parastin û Piştevaniyê ya Bajar re hate ba hev. Çandar, da zanîn ku ev 2 sal in tu agahî ji Rêberê PKK’ê Abdullah Ocalan nayên girtin û wiha got: “Ev tecrîd zextek, gef û heqareteke li dijî kurdan e.”