DEM Partî piştî banga Rêberê PKK’ê Abdullah Ocalan dê bi sernavê “Siyaseta demokratîk a serdema nû” nexşerêyê diyar bike. Partî dê bi rojeva bangawaziyê herî kêm li 100 navendan bi gel re bicive.
Serokê Giştî yê CHP’ê Ozgur Ozel diyar kir ku ji bo çareserkirina pirsgirêka Kurd divê li ser zemîna Meclisê xebateke ku tu partî li derve neyên hiştin bê meşandin û xwest Erdogan di vê mijarê de zelal û wêrek be.
Aborînas û siyasetmedar Nesrîn Nas diyar kir ku paralelî hevdîtinên bi Abdullah Ocalan re desthilat hewl dide hemû muxalefetê bêdeng bike û got: "Rêya derketina ji vê yekê ew e ku muxalefeta sazûmaniyî û civakî li hev bicivin û dengê aştiyê bilind bikin."
Endama PM’a DEM Partiyê Senem Erîş bi şertê kontrola edlî hate berdan.
Serokwekîlê Koma DEM Partiyê Sezaî Temellî li Meclisê bal kişand ser zextên ser zimanê Kurdî û got: “Li Tirkiyeyê 25 milyon Kurd dijîn lê hêj jî li Meclisê silavdayina bi Kurdî qedexe ye.”
Hevseroka KCDK-E'yê Zubeyde Zumrutê diyar kir ku mitînga 15'ê Sibatê ya li Strasboûrgê ji salên berê qelebalixtir bûye û got ku daxwaza hevpar a kurdan û dostên wan azadiya fizîkî ya Abdullah Ocalan e.
Şandeya Îmraliyê ya DEM Partiyê li ser gora Celal Talabanî daxuyanî da. Hevserokê Giştî yê DBP’ê Keskîn Bayindir diyar kir ku hemû aktorên Kurd dê di vê pêvajoyê de rolekî dîrokî bilîzin û got: "Gelê Kurd dê bi pêşengtiya rêzdar Ocalan destkeftiyên mezin bi dest bixe.
Serokê Giştî yê CHP’ê Ozgur Ozel bertek nîşanî tayînkirina qeyûm a li Şaredariya Bajarê Mezin a Wanê da û got: “Em ê hesabê ji kesên dema gel hildibijêre xwe weke patron dibînin û gel biçûk dibînin bipirsin.”
Gelek siyasetmedar û nûnerên saziyan bertek nîşanî tayînkirina qeyûm a li Şaredariya Bajarê Mezin a Wanê dan û gotin ku dê serîl i ber derbeyan netewînin.
Serokwekîlê Koma CHP’ê Gokhan Gunaydin bertek nîşanî tayînkirina qeyûm a li Şaredariya Bajarê Mezin a Wanê da û got: “Helwesta hevpar a hêzên demokrasiyê û muxalefetê girîng e.”
Şaredarê Bajarê Mezin ê Stenbolê Ekrem Îmamoglû bertek nîşanî tayînkirina qeyûm a li Şaredariya Wanê da û got: “Êdî zehmet bûye mirov van sepanan û pêvajoyên Bahçelî daye destpêkirin bi hev re binirxîne.”
Rêxistina DBP’a Amedê dê 6’emîn Kongreya Awarte li dar bixe. DBP’ê starta xebatên kongreyê da.
MYK’a DBP’ê bertek nîşanî hedefgirtina HDK’ê da û diyar kir ku ji bo êrişên vala derxînin û yekkirina hêza gelan dê bêhtir têbikoşin.
Hevseroka Giştî ya DEM Partiyê Tulay Hatîmogûllari xwest ku îktîdar plana xwe ya ji bo çareseriya pirsgirêka Kurd eşkere bike û got: “Heke çareseriyê bixwazin, divê zemîneke ku birêz Ocalan rasterast bi rêxistina xwe re hevdîtinan bike bê amadekirin.”
Serokwekîla Koma DEM Partiyê Gulistan Kiliç Koçyîgît diyar kir ku di mijara çareseriya pirsgirêka Kurd de partiyên siyasî di asta yekemîn de berpirsyar in û got: “Hewceye Meclis destê xwe deyne bin kevir.”