Wekîla HDP'ê ya Edeneyê Meral Daniş Beştaş di kongreya partiya xwe ya Seyhanê de axivî, bertek nîşanî pêkanîna "Cilên yek reng" a bi KHK'a nû anîn û ev tişt got: "Ne di hiqûqê de û ne jî di wijdana mirovan de cihê ve tune."
Siyasetmedarê kurd Ahmet Turk, di civîna "Kud pêvajoyê niqaş dikin" de bal kişand ser girîngiya Yekîtiya Neteweya Kurd û wiha got: "Di pêvajoyek wisa de bêdengî ji bo kurdan mirin e. Dem dema em bêtir deng û têkoşîna xwe bilindtir bikin e."
Dîroka Kongreya Mezin a Asayî ya 3'yemîn a HDP'ê diyar bû. Tê payîn ku dê di 11'ê Sibatê de bi beşdariya 25 hezar kesî kongre bê lidarxistin û li her derî ji bo kongreyê seferberî hat îlankirin.
Parlementera HDP’ê Ayşe Acar Başaran ku li Manîsayê danişîna yekemîn a doza 138 HDP’iyên tên darizandin temaşe kir, destnîşan kir ku dadgehê xwestiye serketina 7’ê Hezîranê ya HDP’ê bidarizîne û wiha got: “Xwestin li Manîsayê HDP’ê tasfiye bikin, lê bi ser neketin.”
Alîkarê hevserokên giştî yê HDP'ê Nadir Yildirim pêşketinên li Sûriyeyê nirxand, da zanîn ku ruxmê astengiyên Tirkiyeyê jî hêzên Bakurê Sûriyeyê dest bi xebata Kongreya Diyalogê ya Neteweyî ya Sûriyeyê kirine. Yildirim, der barê êrîşke li dijî Efrînê de jî ev tişt got: "Dê Efrîn bibe Vîetnama Tirkiyeyê."
Di hevdîtinên der barê budçeyê de firsenda ku her parlementer derdkeve kursiyê biaxive hebû, lê di van hevdîtinan de 112 parlementerên AKP’î qet neaxivîn. Li gor agahiyên kulîsan Meclîsê tê gotin ku ser navê van parlementeran hatiye xêzkirin.
Hevserokê Giştî yê DBP'ê Mehmet Arslan çalakiyên şermezarkirinê yên li Herêma Federal a Kurdistanê nirxand û ev tişt got: "Ji ber ku hikumet li gorî berjewendiyên komên piçûk tev digere, gel ev qebûl nekin. Heke daxwazên gel bên tepisandin, dê kaosa li herêmê hêj kûrtir bibe."
Parlamenterê CHP'ê Sezgin Tanrikulu, têkildarî polîsê ku bi wesayitê zaroke 4 salî Umut. O. li Hezexê birîndar kir pirsname da meclîse û xwest serokwezîr bibersivîne. Tanrikulu diyar kir ku heta niha polis û leşkeran çend kes kuştine û birîndar kirine û der barê wan de lêpirsîn hatiye vekirin ya na.
Alîkarê Hevserokên Giştî yên HDP'ê Nadir Yildirim li Erdîşê axivî, diyar kir ku ew ê di 11'ê Sibatê de kongereya giştî li dar bixin û der barê tecrîda li ser Ocalan de ev tişt got: "Gotineke Birêz Ocalan hemû Rojhilata Navîn eleqedar dike. Ruhê wan ji derveyê tarîtiyê tiştekî nabîne û ji ronahiyê ditirsin, ji ber wê tecrîdê kûr dikin."
Wezîrê Karê Derve ê destpêkê yê AKP’ê yê berê Yaşar Yakiş, diyar kir ku ligel ku Tirkiye li cihê xwe yê bi ewle bi PKK’ê têkoşiya her roj agahiyên cenazeyan tên, dê li ciheke wekî Efrînê ku xwezaya wê nas nake, di mala kê de kê heye nizane, dê çawan karibe şer bike, ger şer bike jî dê zirarek mezin bibîne.
Hevserokê Giştî yê HDP'ê Selahattîn Demîrtaş ku ji Civata Giştî ya HDK'ê re peyam şand, diyar kir ku di serî de di Şoreşa Fransayê û Şoreşa Cotmehê de, gelên bindest careke din derketine ser dika dîrokê û got: "Em ê faşîzmê birûxînin û xeta azadiyê ava bikin." Fîgen Yuksekdag jî peyam şand diyar kir ku dê têkoşîna wekhev ji HDK'ê derkeve.
Hevberdevka Sazumankar a HDK'ê Sebahat Tuncel, ji girtîgehê peyam ji 8'emîn Lijneya HDK'ê re şand û got: "Pêdivîya me ji destpêkek nû û xut heye. HDK, navenda têkoşîna temokratîk a Tirkiye Kurdan e. Niha dem dema me ye. Divê em ji bo destpêkek nû em gavan bavêjin. Divê em li dijî îşkenceyê dengê xwe bilind bikin. Niqaşên civata HDK'ê ji bo rakirina tecrida teqez a li ser Ocalan bi dawî bibe û azadiya gelan gelek
Hevberdevkê HDK'ê Onur Hamzaoglu dî Lîjneya Gîştî ya HDK'ê de axivî, diyar kir ku ew ê di serdema nû de dibistanên HDK'ê ava bikin û naveroka komara demokratîk diyar bikin. Gulîstan Koçyîgît jî da zanîn ku ew ê Rojavaya xwe ava bikin.
Kongreya Demokratîk a Gelan (HDK), bi şîara "Bi meclisan ber bi demokrasiyê û bi Komara Demokratîk ber bi azadiyê" 8'emîn Lijneya Giştî pêk anî. Civîn bi Tevlêbûna sedan delegeyên ji herêmê û Tirkiye hatin dest pê kir.
Parlamenterê HDP’a Rihayê Osman Baydemîr di kongreya rêxistina Bedlîsê, diyar kir ku bi rojane dibêjin ‘Fîlîstîn dibin dagirkiriyê deye’ û wiha got: "Temam ser çavan. Ma gelê Kurdistanê ne dibin dargirkeriyê deye? Ha qayûn ha ziqûm. Ev partiya ziqûmê ye.”