Şaredarê Avkevirê Mehmet Alî Budak ji DEM Partiyê îstîfa kiribû, meclisa şaredariyê bêbandor kir. Hevşaredar Cemîle Duman got ku tevû hemû astengiyan jî ew ê xizmetê ji gel re bikin.
Parlamentera DEM Partiyê Oznûr Bartin diyar kir ku budçeya şer ji sedî 65 zêde bûye û got ku divê îktîdar dev ji êrikirina Bakur û Rojhilatê Sûriyeyê berde û aştî û guftûgoyê pêş bixe.
Hevseroka Giştî ya DEM Partiyê Tulay Hatîmogûllari di daxuyaniya piştî serdana Partiya Saadetê de axivî û got ku divê hemû gel û bawerî di jinûveavakirina Sûriyeyê de cih bigirin û destûreke bingehîn a demokratîk girîng e.
Parlamentera DEM Partiyê Sevîlay Çelenk bertek nîşanî êrişên ser Bakur û Rojhilatê Sûriyeyê da û wiha got: “Em ê li dijî van êrişan bêdeng nemînin. Em ê vê berxwedanê bi tenê nehêlin.”
Parlamenterê DEM Partiyê Omer Faruk Hûlakû diyar kir ku yek ji sedema êrişên ser Bakur û Rojhilatê Sûriyeyê jî polîtîkaya rantê ye û wiha got: “Tirkiye, Rojava weke xenîmeta şer dibîne.”
Nivîskar, rojnameger û hunermendên ku serdana hevşaredarên Êlihê ku li şûna qeyûm hatibû tayînkirin kirin û xwestin ku hemû kes li dijî polîtîkaya desteserkirina îradeya gel li ber xwe bidin.
Hevserokê Giştî yê DBP’ê Keskîn Bayindir peyamên Abdullah Ocalan ên têkildarî çareseriya pirsgirêka kurd bi bîr xist û got: “Ev yek nîşan dide ku dema çareseriyê hatiye, zemîna wê heye û divê ev firsenda dîrokî baş bê nirxandin.”
Berdevka DEM Partiyê Ayşegul Dogan bertek nîşanî polîtîkaya Tirkiyeyê ya Sûriyeyê da û got: “Heke bi rastî jî polîtîkaya we ya şer û berfirehbûnê tune be, wê demê guftûgoyê bidin destpêkrin.” Ayşegul Dogan got ku ji bo serlêdana Îmraliyê jî tu bersiv nehatine dayin.
Hevseroka Giştî ya SYKP'ê Feray Mertoglûyê diyar kir ku ew êrişên li ser Bakur û Rojhilatê Sûriyeyê qebûl nakin û endama MYK'ê ya EHP'ê Sanem Denîz Kûralê jî got ku ev êriş hemû gelan tehdîd dike.
Li navçeya Miksê li hemberî xespkirina îradeya gel li ber avahiya şaredariyê nobed di roja 6’emîn de dewam kir.
Meclisa Şaredariya Dêrsimê bi rojeva “qeyûm” civiya. Hevşaredarê Dêrsimê Cevdet Konak got ku heta şaredariya xwe dîsa distînin dê civînên xwe bi beşdariya gel li dar bixin.
Wezîrê Karên Derve yê Îranê Abbas Erakçî bi Wezîrê Karên Derve yê Tirkiyeyê Hakan Fîdan re li Enqereyê hevdîtin kir. Fîdan, got: “Em ê di demekî nêz de pêvajoya Astanayê bixin meriyetê.” Arakçî jî got; “Em ê piştgiriya xwe ya teqez a bi Sûriyeyê re dubare dikin.”
Hevdîtina di navbera Hevserokên Giştî yên DEM Partiyê Tuncer Bakirhan û Tulay Hatîmogûllari û Serokê Giştî yê CHP’ê Ozgur Ozel de dest pê kir.
Serokê Giştî yê CHP’ê Ozgur Ozel çû serdana Şaredarê Esenyurtê Ahmet Ozer û wiha bang li dozger Akin Gurlek kir: “Ez te hişyar dikim, bi qedera welatekî nelîze, nebe amûra hin kesan.”
Serokkomarê AKP’î Tayyîp Erdogan ji bo daxuyaniyên Devlet Bahçelî yên demên dawî got; “vîzyona hevpar a siyasî ya Tifaqa Cumhur e” û li hêla din got ku dê êrişên xwe yên li dijî gelê kurd bidomînin.